श्री मा.वि रामनगरमा गृह मन्त्री साहद्वारा छात्राहरुलाई ब्याग वितरण

4 वर्ष पहिले प्रकाशित

(2079-05-26 B.S.)

7827 पटक देखिएको

निरन्जन कुमार साह

गौशाला,भदौ २६ गते

महोत्तरीको गौशाला नगरपालिका वडा न. १ अन्तर्गत रहेको श्री मा.वि रामनगरमा मधेश प्रदेशका गृह तथा संचार मन्त्रि भरत प्रसाद साहले ब्याग विवरण गरेका छन् ।

मधेश प्रदेशको गृह तथा संचार मन्त्रालय द्वारा संचालित सुरक्षित बेटि अभियान अन्तर्गत मन्त्रि साहले छात्राहरुलाई ब्याग वितरण गरेका हुन् ।

श्री मा.वि रामनगरमा कक्षा ९ मा अध्यनरत छात्राहरुलाई ब्याग वितरण गरिएको हो ।

मन्त्री साहले शिक्षित र आदर्श समाजको निर्माण गर्नको छोरी शिक्षित हुनु अत्यावश्यक रहेको बताए । उनले भने , “बेटिलाई सुरक्षित राख्नुपर्छ । जब सम्म हामी बेटिलाइ राम्रो शिक्षा प्रदान गर्न सक्दैनौ , तब सम्म बेटि सुरक्षित हुदैन । त्यसैले यो योजना लयाईएको हो । बेटि हरुलाइ पढन सुबिधा होस र पढाइ प्रती चासो बढौस भनेर हौशलाको रुपमा यो ब्याग वितरण गरेका हौ ।"

उनले गर्भमा रहेको छोरीलाई गर्भपतन गर्ने र गर्भ छोरालाई चाहिँ सुरक्षित राख्ने सोचलाइ बदल्नुपर्ने बताए ।

त्यस्तै भानुभक्त मा. वि. प्रधानाध्यापक श्याम सापकोटाले यस विद्यालयमा हालसम्म कुनै पनि नेताले चासो नलिएको तर आज मन्त्रि साहले व्याग वितरण गरेकोले आभार प्रकट गरेका छन् । संचार मन्त्रिको साथ र सहयोगले यस विद्यालयको विकास र शिक्षा गुणस्तर हुने समेत उनले विश्वास व्यक्त गरेका छन् ।