इलाका प्रहरी कार्यालय गौशालाद्वारा चोरी भएको मोबाइल सम्बन्धित व्यक्तिलाई हस्तान्तरण , स्थानीयद्वारा आभार व्यक्त

4 वर्ष पहिले प्रकाशित

(2079-06-11 B.S.)

5460 पटक देखिएको

निरन्जन कुमार साह
गौशाला , असोज ११ गते
महोत्तरीको गौशालामा चोरी भएको मोबाइल इलाका प्रहरी कार्यालय गौशालाले सम्बन्धित व्यक्तिलाई बुझाएको छ । मंगलबार इलाका प्रहरी कार्यालयका प्रमुख तथा प्रहरी निरीक्षक रंजन मिश्रले चोरी भएर खोजतलाश गरि फेला परेको मोबाइल सम्बन्धित व्यक्तिलाई जिम्मा लगाएका हुन् ।

गौशालामा विभिन्न समय र स्थानबाट हराएका १६ ओटा स्मार्ट फोन हराएको केहि समय पश्चात फेला पारेर १६ जना मोबाइल धनीलाई बुझाइएको हो ।

ति व्यक्ति हरुले दिएको उजुरीको आधारमा विभिन्न स्थान र समयमा मोबाइल फेला पारिएको प्रहरी निरीक्षक रंजन मिश्रको भनाइ छ ।

हराएको मोबाइल सकुसल आफ्नो हातमा पाउदा अत्यन्तै खुशी व्यक्त गर्दै शिक्षक महासंघका उपाध्यक्ष महाविर सिंह कुशवाहाले भने, "मोबाइलमा दुनिया बसेको छ । यो हराएपछी विभिन्न कुराहरु पनि हराउने र समस्या सिर्जना हुन्छ । मलाई यो मोबाइल भेटिन्छ भन्ने आशै थिएन तर आज यसलाई मैले प्राप्त गर्दा एकदमै खुसि लागेको छ ।"

साथै प्रहरी निरीक्षक रंजन मिश्र आएपछी गौशाला नगरपालिकाको परिस्थिति नै परिवर्तन भएको र यहाँ शान्ति सुरक्षा समेत कायम भएको उनले जिकिर गरे ।