विरगंज महानगरपालिकाको बजार व्यवस्थापन समितिद्वारा अनुगमन, गुणस्तरहिन समानहरु नष्ट

समाज मधेश प्रदेश मुख्य समाचार

4 वर्ष पहिले प्रकाशित

(2079-06-28 B.S.)

2834 पटक देखिएको

पवन प्रसाद साह

विरगंज , असोज २८ गते

विरगंज महानगरपालिका को बजार ब्यवस्थापन समिति द्वारा अनुगमन गुणस्तरीयहिन समानहरु नष्ट भएको समाचार प्राप्त भएको छ।

विरगंज महानगरपालिकाको बजार व्यवस्थापन तथा अनुगमन समितीको संयोजक, उपमेयर इम्तियाज आलमको संयोजकत्वमा विभिन्न निकायका प्रतिनिधिहरु विरगंज महानगरपालिका कार्यपालिका सदस्य तथा बजार व्यवस्थापन तथा अनुगमन समितीका सदस्य कन्हैया ठाकुर ,शाखा प्रमुख बिपिन लाल दास,गुणस्तर तथा नाप तौल कार्यालयको प्रतिनिधि आनन्द कुमार गुप्ता,जिल्ला प्रशासन कार्यालयका प्रतिनिधि गौरीशंकर प्रसाद गुप्ता,जिल्ला प्रहरी कार्यालय पर्साका प्रतिनिधि मीन बहादुर रमौली, विरगंज उद्योग बाणिज्य संघका प्रतिनिधि मनोज कुमार दासको उपस्तिथिमा विरगंज महानगर बजार अन्तर्गत होटेल मैजबानी, क्याफे मोका, होटेल बिकानेर, होटल अनमोल,होटल डाउन टाउन पिज्जामा अनुगमन गरिएको थियो।

जसमध्ये क्याफे मोका मा गुणस्तरीयहिन पाउरोटी पाएको र त्यो पाउरोटी नस्ट गरियो र डाउन टाउन पिज्जामा पेप्सी कोला एक्सपायर्ड भेटियो र त्यो पेप्सी पसलको अगाडी नै नष्ट गरियो र बाकी सबै पसल र होटेलहरुमा गुणस्तरयुक्त समान बिक्री वितरण गर्न आदेश दिईयो र यदि आदेश विपरित काम भयो भने सबै लाई आउने दिनहरुमा कारवाही हुनेछ भनी जानकारी गराएका थिए।