यसरि मनाइयो गौशालामा आज ६७ औं प्रहरी दिवस

3 वर्ष पहिले प्रकाशित

(2079-06-29 B.S.)

3035 पटक देखिएको

गौशाला असोज २९ गते

महोत्तरीको गौशालामा इलाका प्रहरी कार्यालयले ६७ औं प्रहरी दिवस मनाएको छ । शनिबार प्रहरी दिवसको अवसरमा इलाका प्रहरी कार्यालय गौशालाले गौशाला नगरपालिकामा अवस्थित विभिन्न धार्मिक स्थलहरुलाई सरसफाई गरि प्रहरी दिवस मनाएको हो ।

इलाका प्रहरी कार्यालय गौशालाका प्रहरी निरीक्षक रन्जन मिश्र ,गौशाला नगरपालिका वडा न.५ का वडा अध्यक्ष ओम प्रकाश गुप्ता लगायत कार्यालयका विभिन्न तहका प्रहरी जवानहरुको सहभागिताको साथमा सरसफाई गरि प्रहरी दिवस मनाइएको छ ।

प्रहरी निरीक्षक रंजन मिश्रले जनसमुदायमा सरसफाई सम्बन्धि जनचेतना अभिवृद्धि गर्ने उद्देश्यले गौशालाका विभिन्न स्थलमा सरसफाई गरिएको जानकारी दिए ।

त्यस्तै गौशाला नगरपालिका वडा न.५ का वडा अध्यक्ष ओम प्रकाश गुप्ताले सम्पूर्ण प्रहरीहरुलाई प्रहरी दिवसको शुभकामनाको साथै यस कार्य प्रति आभार व्यक्त गरेका छन् । उनले भने , “प्रहरी निरीक्षक रंजन मिश्र जहिले देखि गौशालामा आउनुभयो ,त्यसबेला देखि नै यहाँ शान्ति सुरक्षा कायम भएको छ । जनसमुदायले इलाका प्रहरी कार्यालयबाट प्राप्त गर्ने सुविधा सजिलैसंग प्राप्त गर्न सकेका छन् ।”

आगामी दिनहरुमा पनि गौशाला नगरपालिकामा प्रहरी र जनसमुदायबीचमा आपसी समन्वय कायम हुने गुप्ताले आशा विश्वास व्यक्त गरेका छन् ।