गौशालामा चिठ्ठा नखोलेपछी सत्य लक्की ड्र माथि जनसमुदायद्वारा आक्रमण ,सामान लगे लुटेर

3 वर्ष पहिले प्रकाशित

(2079-07-06 B.S.)

8836 पटक देखिएको

ममता शर्मा

गौशाला ,कार्तिक ६ गते

महोत्तरीको गौशालामा चिठ्ठा नखोलेपछी सत्य लक्की ड्र माथि जनसमुदाय आक्रोशित भई आक्रमण गरेका छन् । आइतबार गौशाला -४ स्थित कबर्ड हलमा राखिएको सत्य लक्की ड्रले चिठ्ठा अन्तर्गत पर्ने सामानहरु जनसमुदायले लुटपाट गरेर लगेका छन् ।

जो संग सत्य लक्की ड्र को टिकट छ, उनीहरु उपहार लिनबाट बन्चित भएपछि जनसमुदायले इलाका प्रहरी कार्यालय गौशाला घेराउ गरेका छन् ।

करिब १ महिना अगाडी देखि गौशाला नगरपालिका ४ मा संचालित सत्य लक्की ड्र ले दशैँ तिहार तथा छठ पर्वको अवसरमा बम्पर उपहार योजना ल्याएका थिए । जसमा प्रति व्यक्ति प्रति टिकट २ सय ५१ रुपैयाँ टिकट दस्तुर तोकिएको थियो । जुन व्यक्तिहरुले टिकट कटाए उनीहरुले आज योजना अनुरुप सत्य लक्की ड्र ले चिठ्ठा नखोले पछी जनसमुदाय आक्रोशित भएका छन् ।

सत्य लक्की ड्र ले टिकट उल्लेख गरिएका प्रत्येक लक्की नम्बरमा उपहार पर्ने जनाएको थियो । उपहारहरुमा मोटरसाइकल ,फ्रिज,साइकल ,टेबल पंखा ,घडी ,कुर्सि ,एलईडी टिभी ,दराज ,कुकर ,मोबाइल आदि सामग्रीहरु उपलब्ध गराइने उल्लेख गरिएको थियो ।

तर आज उपहार लिने दिनमा टिकट भएका जनसमुदाय रित्तो फर्किने पर्ने अवस्था सिर्जना भएको छ । जनसमुदायको पैसा संकलन गर्ने झुटा जालमा फसाएर सत्य लक्की ड्र ले जनसमुदायलाई उल्लु बनाउने प्रयास गरेको नाम नभन्ने सर्त एक व्यक्तिले बताए ।

अहिले कबर्ड हल देखि जिरो माइल सम्म हजारौ मानिस जम्मा भइ विरोधमा उत्रिएका छन् । जनसमुदायलाई रोक्नको लागि प्रहरी परिचालन गरिएको छ ।

करिब १८ हजार जनसमुदायले टिकट कटाएको आयोजक गौशाला -४ निवासी लालबाबु साहले बताए ।

आयोजकलाई प्रहरीले नियन्त्रणमा लिएको छ । जनसमुदायको पैसा फिर्ता गर्ने र आयोजकमाथि मुद्धा चलाउने इलाका प्रहरी कार्यालयका प्रहरी निरीक्षक रंजन मिश्रले बताए ।