गौशाला बर्दिवास सडक खण्ड अन्तर्गत ट्राफिकद्वारा चेकजाँचमा कडाइ

समाज मधेश प्रदेश मुख्य समाचार

2 वर्ष पहिले प्रकाशित

(2079-10-04 B.S.)

3974 पटक देखिएको

ममता शर्मा

महोत्तरी , माघ ४ गते

दुर्घटना न्यूनीकरण र लागूऔषध नियन्त्रण लागि गौशाला सम्सी बर्दिवास सडक खण्डमा ट्राफिकले आफ्नो चेकजाँच कडाइ गरेको छ ।

यो सडक महोत्तरीको मध्य बिन्दु हुदै सम्सी, गौशाला, बर्दिवास , काठमान्डौ समेत पुग्ने गर्दछ यो सडक सिमाबर्ती भारतको खुला बोर्डरबाट जोडिएको छ । खुला बोर्डर भएकोले लागूऔषध ओसार पोसार निकै सहज हुने गरेको गौशाला ट्राफिक प्रहरी कर्लायाका प्रहरी सहायक निरीक्षक बब्लु ठाकुरले जानकारी दिए ।

सम्सी कन्हमा बोर्डरबाट लागूऔषध सेवन गरि अनियन्त्रित रुपमा सवारीसाधन चलाउनेको संख्यामा वृद्धि भएकोले ट्राफिक चेकजाँचमा कडाइ गरिएको ठाकुरको भनाइ छ । उनले भने, “ हामीले पुष मसान्तमा मात्र यसबाट २ लाख २१ हजार ५ सय राजस्व संकलन गरेका छौ । सम्पूर्ण कागजपत्र नभएको , तिब्र गतिमा चलाइएको सवारी साधनलाई हामीले कारवाही गर्ने गरेका छौ । हामी आफ्नो काम प्रति पूर्ण रुपमा इमान्दारी पुर्वक लागेका छौ जनताको सेवा गर्नु नै हाम्रो धर्म हो र दुर्घटना न्यूनीकरण गर्नु नै हाम्रो मुख्य जिम्मेवारी हो ।”

साथै उनले बिगतको दिनहरुमा सवारी साधनको संख्या बढेकोले दुर्घटना अति नै बढेको बताए । जसलाई न्यूनीकरण गर्नु ट्राफिकको मात्र नभएर सम्पूर्ण जनसमुदायको दायित्व रहेको उनले बताए । जनताको हितकै लागि ट्राफिक नियम पालना गर्नु अपरिहार्य रहेको उनको भनाई छ ।