भनेर साध्य छैन गरेर देखाएपछी विश्वास हुनेछ : मन्त्रि सरोज कुमार यादव

3 वर्ष पहिले प्रकाशित

(2079-10-07 B.S.)

3165 पटक देखिएको

ममता शर्मा

महोत्तरी , माघ ७ गते

मधेश प्रदेशको नव निर्वाचित मन्त्रि सरोज कुमार यादवले आफ्नो कार्यकालमा मधेश प्रदेशको स्तरोन्नतिको लागि हरसम्भव प्रयास गर्ने बताएका छन् । भावीको समयमा जनतालाइ गरेर देखाउनुपर्ने कार्यहरु भनेर साध्य नहुने उनको भनाइ छ । शनिबार रेडियो जुनतारा १०३.४ मेगाहर्जको कार्यक्रम जनआवाजमा पत्रकार निरन्जन साह संगको अन्तर्वार्तामा उनले यस्तो बताएका हुन् ।

बिगतको भन्दा कयौ गुणा बढी जनताको सेवा सुबिधाको अगाडी बढ्ने उनको भनाइ छ उनले भने , "जनता समक्ष हामीले जुन बाचा गरेका छौ त्यसलाई हरेक हालमा पुरा गर्ने छौ । "

आफुलाई अत्यधिक मतले जिताउने जनताहरु प्रति यादवले आभार प्रकट गर्दै उनीहरुको भरोशा विश्वासलाइ भविष्यमा कायम राख्ने प्रतिबद्धता व्यक्त गरेका छन् ।

यस्तै मन्त्रि यादवलाइ रेडियो जुनतारा तथा युवा स्वरोजगार बचत तथा ऋण सहकारी संस्था लिमिटेडले सम्मान गरेको छ ।

रेडियो जुनताराका संचालक निरन्जन कुमार साहले यादवलाइ टिका र खादा लगाएर सम्मान गरेका छन् । त्यस्तै संस्थाले शनिबार गौशाला स्थित आयोजना गरेको बधाई तथा सम्मान कार्यक्रममा उनलाई सम्मान गरेको हो । कार्यक्रममा संस्थाको अध्यक्ष संजित कुमार यादव , पुर्व सांसद बुद्धनी देवी ,संस्था कर्मचारी ,नेता तथा राजनीतिकर्मीहरुको सहभागिता रहेको थियो ।

एमालेको एउटा सदस्य पनि नजितेको महोत्तरीको क्षेत्र न.४ को क मा यादवले अत्यधिक मत ल्याएर निर्वाचित भएका हुन् । १० हजार ५ सय ३६ मत प्राप्त गरि उनले विजय हासिल गरेका हुन् । साथै उनि नेकपा एमाले पार्टीको तर्फबाट मशेष प्रदेशको संसदीय दलको नेतामा पनि चयन भएका छन् ।