गौशलामा नेपाली काङ्ग्रेसको होली मिलन समारोह सम्पन्न

समाज मधेश प्रदेश

2 वर्ष पहिले प्रकाशित

(2079-11-20 B.S.)

2738 पटक देखिएको

Niranjan Kumar Sah

निरन्जन कुमार साह

महोत्तरी , फाल्गुन २० गते

महोत्तरीको गौशालामा नेपाली काङ्ग्रेस महोत्तरी क्षेत्र न. १ को प्रदेश ख को कार्यसमितिद्वारा होली मिलन कार्यक्रम सम्पन्न भएको छ । शनिबार गौशाला नगरपालिका जिरोमाइल स्थित कबर्ड हलमा आयोजना गरिएको नजिकिदै गरेको होली पर्वको शुभकामना आदान प्रदान गरिएको छ ।

समारोहमा पार्टीको जिल्ला अध्यक्ष नागेस्वर यादव, गौशाला नगरपालिकाको नगर प्रत्यसी वसन्त गुरुङ्ग , राधेश्याम भगत लगायत गौशाला नगरपालिकाको १२ ओटै वडाको वडा सभापतिहरुको उपस्तिथ रहेको थियो ।

कार्यक्रममा उपस्थित सबै वक्ताहरुले हिन्दुहरुको महान पर्व होलीको शुभकामना दिदै अबको राजनिती सबैजनाले आफ्नो तितामिठा कुराहरु बिर्सेर नयाँ राजनीति सुरुवात गरि नेपाली काङ्ग्रेसको अस्तित्व बचाउन आग्रह गरेका छन् ।

केही वक्ताहरुले 'होली सबै रङ्गको मिलन हो, आउदो २४ गतेको होली खेली हामी आफ्नो जीवनको सबै गुनाशो र भेदभाव भुलेर होलीको रङ्गले पखालेर मनलाई सफा र राम्रो बिचारको साथ नेपाली काङ्ग्रेस मुल भुतरुपमा काम गर्नु पर्छ' भन्ने धारणा राखेका छन् ।

साथै यसपालीको होली शान्तिपूर्ण रुपमा खेली पार्टीमा एक अर्का प्रतिआपसी सद्भाव कायम गर्न समेत अपिल गरिएको छ ।