गौशाला , चैत्र २० गते

गौशालामा एक महिलामाथि प्राणघाती कुटपिट भएको छ ।  आइतबार राती गौशाला नगरपालिका वडा न. ५ बजार स्थित रहेको लालेन्द्र मेडिकलको संचालक रामचन्द्र साहको बुहारीमाथि आफ्नै श्रीमान ससुरा र नन्दले मरणासन्न हुने गरि कुटपिट गरेका छन् ।  इलाका प्रहरी कार्यालय गौशालाले कुटपिट गर्ने ससुरा, श्रीमान र एक नन्द पक्राउ परेको छ भने अर्को नन्द तुलसी साह फरार रहेको जनाएको छ ।  त्यस्तै सोमबार बिहान एसइई परीक्षा दिनको लागि नन्द अर्चनालाई छोडेको इलाका प्रहरी कार्यालयका प्रमुख मनोज कुमार यादवले जानकारी दिएका छन् । 

ससुरा रामचन्द्र साह , श्रीमान् शैलेन्द्र साह , नन्द अर्चना र तुलसी साहले ति युवतिलाई ज्यान मार्ने उद्देश्यले कुटपिट गरेको गौशाला पोलिक्लिनिकमा हाल भर्ना भएकी पिडित युवतीले बताइन । 

पटक पटक आफ्ना श्रीमान , ससुरा र नन्दले आफुलाई सन्तान नपाएको भनेर अनेक यातना , हिँसा गर्ने गरेको उनको भनाइ छ ।  धेरै चोटी आफुलाई हिँसा गर्ने दोषीहरुलाई इलाका प्रहरी कार्यालय गौशालाले नियन्त्रणमा लिएपनि केहि बेरमै छोडदिने गरेको उनको भनाइ छ । 

महोत्तरी जिल्लामा धेरै महिलाकर्मी छन् तर वास्तिक समस्या आइपर्दा कोहि पनि अगाडी नबढ्ने गरेको उनको आरोप छ ।  महिलाको हकहितको लागि ओरेक नेपाल जस्ता संस्थाले उद्धारको कार्य गर्दै आइरहेपनि अहिले उनलाई कुनै पनि संस्थाले गुहार गर्दा पनि सहयोग नगरेको उनको गुनासो छ । 

ति युवतिको केहि दिन पहिला मात्र रामचन्द्र साहको कान्छो छोरा शैलेन्द्र साह सँग विवाह भएको हो ।  यस अघि बितेको असारमा जेठो छोरा लालेन्द्र साह सँग नै उनको विवाह भएको थियो ।  सन्तान उत्पादनको इच्छा जेठो श्रीमान बाट पुरा नभएपछी ससुरा र देवर (हालको श्रीमान ) ले जबर्जस्ति शारीरिक सम्बन्ध राख्दै आएका थिए । 

शारीरिक सम्बन्धको दबाव सहन नसकेपछी ति युवतीले केहि अगाडी इलाका प्रहरी कार्यालय गौशाला उजुरी दिएकी थिईन ।  त्यसपछी उनको विवाह फेरी लालेन्द्रको कान्छो भाई शैलेन्द्रसंग भएको थियो । 

विवाह भएको २४ घण्टा नबित्दै उनलाई नन्द , दुवै श्रीमान र ससुरा  मिलेर मरणासन्न हुनेगरि कुटपिट गरेका थिए ।  सो घटना पछी प्रहरीले  रामचन्द्र साहलाई पक्राउ गरेको थियो । तर केहि बेरमै छोडेको थियो।   

उनिमाथि ससुराली पक्षको परिवारले विवाह भएदेखि नै अनेक कुरामा हिँसा गर्दै आइरहेको युवतिको भनाइ छ । साथै उनले दोषीलाई कडा भन्दा कडा कारवाहीको माग समेत गरेकी छिन ।