गौशालामा दादुरा रोग तथा रुग्नता निवारण सम्बन्धि अभिमुखिकरण कार्यक्रम सम्पन्न

समाज मधेश प्रदेश मुख्य समाचार

2 वर्ष पहिले प्रकाशित

(2080-02-31 B.S.)

3375 पटक देखिएको

Niranjan Kumar Sah

निरन्जन कुमार साह

महोत्तरी , जेष्ठ ३१ गते

गौशाला नगरपालिकाभित्र महामारीको रुपमा फैलिएको दादुरा नियन्त्रण र व्यवस्थापनका लागि कार्ययोजनासहित प्रभावकारी ढंगले अगाडि बढ्न सरोकारवाला निकायहरुबीच आज छलफल भएको छ । गौशाला नगरपालिका स्वास्थ्य शाखाको आयोजनामा भएको अभुमिखीकरण कार्यक्रममा दादुरा रोग तथा रुग्नता निवारणको विषयमा अन्तरक्रिया भएको हो ।

कार्यक्रममा दादुरा प्रभावित वडाहरुमा खोपको प्रभावकारी सञ्चालन, नियन्त्रण र व्यवस्थापनसंगै प्रकोपलाई जटिल अवस्थामा पुग्न नदिन सजकता अपनाउने विषयमा गहन छलफल भएको छ ।

कार्यक्रममा स्वास्थ्य शाखाका कर्मचारी मनोज सिंह , नगर प्रमुख डा. दिपेन्द्र महतो , प्राथमिक स्वास्थ्य चौकी गौशालाका प्रमुख पुजा यादव , विभिन्न विद्यालयका शिक्षकहरु लगायतको सहभागिता रहेको थियो ।

कार्यक्रममा डा. पुजा यादवले दादुरा(रुबेला विरुद्धको खोप लगाउने तरिका, भिटामिन ए खुवाउने तरिका, दादुराका बेला देखिने जटिलता, समाधानार्थ खुवाउनुपर्ने लक्षण अनुसारका औषधि लगायतका विषयमा जानकारी गराउनुभयो । उहाँले यहि मिति २०८० साल असार ४ गतेदेखि ८ गतेसम्म ६ महिना देखि १५ वर्ष मुनिका बालबालिकाको लागि दादुरा क्याम्प संचालन हुने जानकारी दिनुभयो ।

त्यस्तै नगर प्रमुख डा. दिपेन्द्र महतोले दादुराको प्रभावकारी रोकथाम र नियन्त्रणका लागि नगरपालिकाले गरिरहेको र गर्ने गतिविधिको बारेमा जानकारी दिनुभयो ।उहाँले रोग पहिचान, उपचार, जनचेतनामूलक कार्यक्रमसंगै खोप अभियानबारे नगरपालिकाले गरिरहेका कार्यहरुबारे जानकारी गराउनुभयो ।

त्यस्तै स्वास्थ्य शाखाका कर्मचारी मनोज सिंहले अन्य ठाउँमा दादुरा फैलिन नदिन सबै एकिकृत ढंगले लाग्नुपर्ने बताउनुभयो ।उहाँले दादुरा महामारीकै रुपमा फैलिएकाले सचेत बन्नुपर्ने बताउनुभयो ।