गौशालामा मुस्लिम धर्मावलम्बीहरु मोहरम पर्व मनाउँदै

समाज मधेश प्रदेश मुख्य समाचार

3 वर्ष पहिले प्रकाशित

(2080-04-13 B.S.)

4079 पटक देखिएको

निरन्जन कुमार साह

महोत्तरी , साउन १३ गते

इस्लाम धर्मावलम्बीको तेस्रो महान् पर्व मोहरम (दाहा) पर्व महोत्तरीको गौशालाका मुस्लिम धर्मावलम्बीहरुले पनि मनाएका छन् ।

मुस्लिम धर्मावलम्बीहरुले प्रत्येक वर्ष श्रावन महिनाको आजैको मितिमा मनाउदै आइरहेको मोहरम पर्व यसपालि पनि धुमधामको साथ मनाएका छन् । एकआपसमा लाठी, भाला तथा झर्नी खेल्दै मोहरम पर्व हर्षोल्लासका साथ मनाएका छन् ।

मुस्लिम समुदायको पर्व भएकाले युवाले समूह–समूहमा भेला भई आफ्नो कलाकौशलसहितको झर्नी खेल खेलेको र दाहा मेलामा प्रदर्सन गर्दै मनोरञ्जनात्मक कला पनि देखाउने गर्दछन । महिलाहरु पनि गीत गाएर मनोरन्जन गर्ने गरेको गौशाला निवासी सबिर हुसेन जानकारी दिए ।

इराकको करवलामा भएको धार्मिक युद्धमा इस्लाम धर्मावलम्बी इस्लाम धर्मका प्रवर्तक मोहम्मद साहेबको नाति हजरत इमाम हुसेनलगायत ७२ जनाले शहादत प्राप्त गरेको सम्झनामा मनाइने यो पर्वमा गरिबलाई खिचडी, फलफूल, विभिन्न प्रकारको मिठाई र कपडा दान गर्ने चलनसमेत रहेको स्थानीय मुसलमान इनु शाहले जानकारी दिए । महरम पर्वमा विभिन्न पकवानहरु बनाएर चढाउने प्रचलन समेत रहेको र यो पर्व मनाउनुको अर्को विशेषता छोरा छोरी धन सम्पतिलगायत प्राप्तिको भाकल पुरा होस् भनेर पनि रहेको उनले बताए ।