गौशालामा न्यायिक समिति न्यायविहिन : नगरप्रमुख महतो

3 वर्ष पहिले प्रकाशित

(2080-05-13 B.S.)

6362 पटक देखिएको

गौशाला , भदौ १३ गते

महोत्तरीको गौशाला नगरपालिकामा न्यायिक समिति न्यायविहिन रहेको नगर प्रमुख डा . दिपेन्द्र महतोले बताएका छन् । बुधबार पालिकाको पुरानो भवनस्थित आयोजित दक्ष प्रहरी मार्फत सामुदायिक अंक पत्र कार्यक्रममा आफ्नो मन्तव्य दिदै उनले यस्तो बताएका हुन् ।

गौशाला नगरपालिकाको उपप्रमुख रेणु महतोको लापरवाहीको कारणले न्यायिक समितिमा कुनै काम नभएको महतोको भनाइ छ । पालिकामा महिला हिंसा लगायत विभिन्न कुरामा मेलमिलाप ,जनतालाई न्याय प्रदान न्यायिक समितिले गर्दछ तर गौशालामा नगरपालिकामा उप प्रमुखको एकलौटी शासनको कारण आज गौशाला नगरवासी न्यायिक समितिवाट लिनुपर्ने सेवा सुविधाबाट बन्चित भएको महतोले बताए ।

"संघियता आएसँगै स्थानीय सरकारमा न्यायिक समिति स्थापना, वडामा मेलमिलापको गठन लगायतका सेवा सुविधा समेत संचालन भएको छ, उनले भने , "तर उप प्रमुखहरुको कारण आज यो सेवा सुविधा पूर्ण रुपमा जनसमुदायको पहुँच नभएपछी महिला हिँसा , साना साना विवाद लगायतका समस्या प्रहरी अदालत सम्म पुग्ने गरेको छ । हामीले सोचेको अनुसार गौशाला नगरपालिकामा उप प्रमुखले आफ्नो काम कर्तव्य नगरी खालि विवाद मात्र गरेको अवस्थाले गौशाला नगरपालिकाको न्यायिक समित न्यायिविहिन भएको छन ।"

त्यस्तै नगराप्रमुख महतोले “म जनताबाट नर्वाचित भएको छु जनतालाई न्यायविहिन हुन दिनेछैन , म अव जनताको घरदैलो सम्म न्याय लिएर पुग्नेछु , जनताको हरेक सुख दु:ख मा साथ छु “ भनेर प्रतिवद्धता व्यक्त गरेका छन् ।

कार्यक्रम समग्र जन उत्थान केन्द्रले इन्टरनेशनल अलर्टको आर्थिक सहयोगमा आयोजना गरिएको छ । जसमा महिला हिंसा सम्बन्धि विविध कुराहरु सम्बन्धित सरोकारवाला व्यक्ति जनसमुदायसंग अन्तरक्रिया भएको थियो । कार्यक्रममा नगर प्रमुख महतो , वडा न.५ का वडा अध्यक्ष ओम प्रकाश गुप्ता , इलाका प्रहरी कार्यालय गौशालाका प्रतिनिधि ,उद्योग वाणिज्य संघको प्रतिनिधि लगायतको सहभगिता रहेको थियो ।