गौशालामा गैरकानुनि रुपमा घरहरु बन्दै , कर्मचारी ,प्रशासन र प्रहरी मुदर्शक

2 वर्ष पहिले प्रकाशित

(2080-06-17 B.S.)

5979 पटक देखिएको

गौशाला , असोज १७ गते

महोत्तरीको गौशालामा गुठी संस्थानको नाममा रहेको जग्गामा अहिले गैरकानुनि रुपमा धमाधम घरहरु बनिरहेका छन् । जनसमुदायले जग्गा ठेक्का लागेको सुनेपछी घरहरु धमाधम बनाउन लागेका छन् । गौशाला -४ मा पर्ने गुठी संस्थानको जग्गा जिरोमाइलदेखि २ सय मिटर दक्षिण पुर्व जाने बाटोमा गैरकानुनि रुपमा जग्गा चेतेर घरहरु बनाइरहेको पाइएको छ ।

यसमा नत गुठी संस्थान जलेश्वरका कर्मचारी रोक्न आउछन तर प्रशासनले नै रोक्न सकेका छन् । जलेश्वर गुठी संस्थान कार्यालयका प्रमुख किशोर कुमार झाले आफ्नो कर्तव्यबाट पन्छिदै घरहरु बनाएपनि केहि नहुने भन्दै आटटाल गरेका छन् । त्यस्तै गुठी संस्थान केन्द्रिय कार्यालयका अध्यक्ष शिवराज पण्डितले पनि बेवास्ता गर्दै यो आफ्नो काम नभएको प्रतिक्रिया दिएका छन् । यसबाट जग्गाहरु गैरकानुनि रुपमा अतिक्रमण गर्न माथिबाटै छुट रहेको प्रष्ट भएको छ ।

जनसमुदायलाई रातारातै घरहरु बनाउदै जग्गा अतिक्रमण गरिरहेका छन् । गैरकानुनि रुपमा किनबेच पनि हुने गरेको छ ।केहि जनसमुदायले त्यस ठाउँमा एक कठ्ठा जग्गा एक लाखमा बेच्ने गरेको नाम नभन्ने सर्तमा बताए । उनले यहाँको पालिका प्रशासन , सम्बन्धि निकाय ,प्रहरी , गुठी संस्थानका कर्मचारी आफ्नो जिम्मेवारी बहन गर्न नसकेको आरोप लगाएका छन् ।

यस सम्बन्धमा प्रमुख जिल्ला अधिकारी शिवराम गेलालले गुठी संस्थानको जग्गामा कसैले पनि अनाधिकृत रुपमा घर बनाउन नमिल्ने बताए । साथै उनले सम्बन्धि निकायलाई रोक्न आदेश दिने समेत बताएका छन् ।

स्थानीय सरकार संचालन ऐन २०७४ को दफा ११ (ड ) ४ र ९७ ले गाउँपालिका र नगरपालिका क्षेत्र भित्रको सरकारी , सामुदायिक र सार्वजनिक सम्पत्ति अभिलेख व्यवस्थापन र संरक्षणको जिम्मा सम्बन्धित स्थानीय तहलाई रहेपनि स्थानीय सरकारले कुनै पनि चासो लिएको छैन । नगरपालिकाको कार्यालय वरिपरी पनि अनाधिकृत रुपमा यस्ता घर टहराहरु धमाधम बनिरहेका छन् ।