गौशालामा ऐतिहासिक माँ दुर्गाको कलश यात्रा

2 वर्ष पहिले प्रकाशित

(2080-06-28 B.S.)

6117 पटक देखिएको

मनिषा कुमारी, असोज २८ गते

नेपालीहरुको महान् चाड दशैँ पहिलो दिन आज घटनास्थापनाको अवसरमा ११ हजार भन्दा बढी कुमारी कन्याद्धारा कलश यात्रा निकालिएको छ । महोत्तरीको गौशालाबजार स्थित रहेको दुर्गा भगवतीको मन्दिरमा कलश स्थापना गरिएको छ ।

गौशाला स्थित नजिकै रहेको मरहा खोला माण्डवी गंगाबाट ११ हजार भन्दा बढी कुमारी कन्याले जल ल्याएर गौशाला बजारको परिक्रमा गरि दुर्गा मन्दिरको प्रांगणमा कलश स्थापना भएको छ ।

कलश यात्रामा ११ हजार बढी कुमारी कन्या, एक दर्जन घोडा लगायत उँट पनि सम्मिलित गरिएको छ ।

११ हजार भन्दा बढी कुमारी कन्याको सुरक्षाको लागि नेपाल प्रहरी, सशस्त्र प्रहरी, समाज सेवी , बुद्दी जीवि युवाहरु खटिएको थियो । साथै सशस्त्र प्रहरीले लोकबाजाको साथ कलश यात्राको शोभा बढाएका थिए ।

मेला व्यवस्थापन समितिका अध्यक्ष सीताराम साहले यो मन्दिर नेपालको सबभन्दा विशाल दुर्गा मन्दिर रहेकोले छिमेकि मुलुक भारतको राजस्थानबाट शंख मरमरको लाखौ मूल्य पर्ने मुर्ति यसपाली दुर्गा मन्दिरमा स्थापना गरिएको जानकारी दिएका छन् । उनले भने , "यहाँ घटस्थापना देखि कार्तिकको पुर्णिमासम्म भव्यताका साथ मेला लाग्ने गर्ने गर्दछ । दुर्गा माताको मुर्ति अन्य ठाउँमा दशमीको दिन विसर्जन भएपनि गौशालामा कार्तिक पुर्णिमाको दिन मात्र विसर्जन गरिन्छ । यो मेलामा कोशौ दुरबाट श्रद्धालु भक्त जनहरु आउने गर्दछन । उनीहरुको सुरक्षाको लागि नेपाल प्रहरी, सशस्त्र प्रहरी, सिसिटिभी क्यामेराको व्यवस्थापनका साथै समाजसेवी व्यापारी लगायत युवाहरुलाई समेत खटाइएको छ । "