मुन्नी मिश्रि भलिबलको सेमिफाइनलमा सामुदायिक विकास गौशाला

3 वर्ष पहिले प्रकाशित

(2080-07-09 B.S.)

1623 पटक देखिएको

महोत्तरी , कार्तिक ९ गते ।

महोत्तरीको गौशाला -१२ कान्तिबजारमा जारी दोश्रो ‘स्व. मुन्नी मिश्रि स्मृती पुरुष भलिबल प्रतियोगिता २०८०’ को सेमिफानलमा आयोजक सामुदायिक विकास युवा क्लब प्रवेश गरेको छ ।

विहिबार भएको पहिलो क्वाटर फाइनलमा भरतपुरलाई सोझो २ सेटले पराजित गर्दै आयोजक सामुदायिक विकास युवा क्लब सेमिफाइनलमा प्रवेश गरेको हो । दोश्रो दिनको पहिलो नकआउट चरणको खेलमा भरतपुर महोतरी र दोश्रो खेलमा एभरेष्ट युवा क्लब बरकुर्वा विजयी भएका थिए ।

विहिबार बिहान भएको पहिलो खेलमा कालिपुरलाई १–२ सेट अन्तरले पराजित गर्दै भरतपुर विजयी भएको भएको थियो । दोश्रो खेलमा इच्छेश्वर चेरु युवा क्लबलाई सर्लाहीको एभरेष्ट युवा क्लब बरकुर्वाले २ सेटले पराजित गरेको थियो ।

तेश्रो खेलमा शंकर युवा क्लब मेघरौललाई पराजित गर्दै कटरैत भलिवल क्लब विजयी भएको छ । कटरैतले सोझो २ सेटले विजयी भएको हो । चौथो खेलमा शिवनगर महोत्तरीलाई पराजित गर्दै गोरहन्न विजयी भएको छ ।

शुक्रबार हुने दोश्रो क्वाटर फाइनलमा सतनाम युवा क्लब बसहनिया सर्लाहीसंग डुमरीया सर्लाहीले प्रतिस्पर्धा गर्ने छन् । तेश्रो क्वाटर फाइनलमा एभरेष्ट युवा क्लब बरकुर्वा सर्लाही संग गोरहन्न महोतरीले प्रतिस्पर्धा गर्नेछन् । चौथो क्वाटर फाइनलमा कटरैत भलिबल क्लब धनुषा र शिवशक्ति युवा क्लब करुणा महोत्तरी बीच हुनेछ ।

बुधबार देखि कान्तिबजारमा सुरु भएको दोश्रो‘स्व. मुन्नी मिश्रि स्मृती पुरुष भलिबल प्रतियोगिता २०८०’मा १६ टिम सहभागी छन् । खेलमा प्रथम पुरस्कार २१ हजार र द्धितीय पुरस्कार ११ हजार नगद रहेको छ । शनिबार दिउंसाे फाइनल खेल हुनेछ ।