चाडपर्व नजिकिएसँगै महोत्तरीमा खुलेआम तस्करी , प्रहरी प्रशासन मुदर्शक

3 वर्ष पहिले प्रकाशित

(2080-07-13 B.S.)

4716 पटक देखिएको

महोत्तरी , कार्तिक १३ गते

महोत्तरीमा चाडपर्व नजिकिएसँगै तस्करी बढेको छ । जिल्लाको सम्सी सिमानाका हुदै तस्करी हुने गरेको छ भने सम्सी , औरही र गौशाला सडक खण्ड हुदै नाकाबाट विभिन्न सरसामानहरु भित्रिने गरेको छ । सम्सीबाट तस्करी गरि ल्याइएको मालसामान औरही कठुधार चेकपोस्टबाट समेत उम्केर गौशाला आउने गरेको छ भने प्रहरी मुदर्शक बनेका छन् । त्यति मात्र नभएर इन्डियन प्लेटको गाडीमा प्रहरीकै अगाडीबाट तस्कर गएपनि प्रहरीले नजरअन्दाज गरिरहेका छन् । नाकाबाट बसमा समेत तस्करी गरिएका सामग्रीहरु ओसारपसार हुने गरेको छ । यसले प्रहरीहरुकै सेटिंगमा तस्करी हुने गरेको प्रस्ट भएको एक स्थानीयले बताए । नाकाबाट खुलेआम तस्करी भइरहँदा पनि प्रहरी प्रशासन भने त्यसलाई नियन्त्रण गर्न असफल देखिएको उनको भनाइ छ । उनि भन्छन , ‘तस्करी नियन्त्रण गर्न प्रहरी प्रशासन असफल छन् र उनीहरुकै मिलोमतोमा पनि यस्तो भईरहेको हो ।

प्रहरीहरुकै आर्थिक सेटिङमा सम्सी , गौशाला , औरहीका तस्करहरूले चौबिसैघण्टा खुलेआम रूपमा तस्करी गरिरहेको स्थानीहरूको आरोप छ । चाडपर्व लक्षित सामग्रीहरु सम्सी नाकाबाट महोत्तरीमा भित्रिने गरेको छ भने चेकिंगमा बसेका प्रहरीले पनि त्यसलाई बेवास्ता गरिरहेका छन् ।