इन्स्पेक्टर यादवलाई उत्कृष्ट प्रहरीको पुरस्कार

2 वर्ष पहिले प्रकाशित

(2080-07-28 B.S.)

7904 पटक देखिएको

ममता शर्मा

महोत्तरी , कार्तिक २८ गते

महोत्तरीमा इलाका प्रहरी कार्यालय गौशालाका प्रमुख तथा प्रहरी निरीक्षक मनोज कुमार यादवले उत्कृष्ट प्रहरीको पुरस्कार प्राप्त गरेका छन् ।

यादवले यस वर्षको कार्तिक महिनाको उत्कृष्ट प्रहरीको पुरस्कार प्राप्त गरेका छन् । यादवले व्यवसायिक ,लगनशील र उच्च मनोबलका साथ आफ्नो कर्तव्यको पालना गर्दै आउनुको साथै भन्सार चोरी निकासी पैठारी नियन्त्रण , समुदायलाई सुरक्षित राख्न प्रभावकारी रुपमा आफ्नो जिम्मेवारी वहन गरेका हुनाले जिल्ला प्रहरी कार्यालय महोत्तरीले उनलाई कार्तिक महिनाको उत्कृष्ट प्रहरीको पुरस्कार प्रदान गरेको हो ।

गौशालामा आम नागरिकको सुरक्षाका निम्ति यादवले आफु यहाँ आएदेखि अहोरात्र खटेका हुन् । गौशालामा गत असोज ७ गते गौशाला नगरपालिका वडा न.११ भरतपुर निवासी करिब ६५ वर्षीय शम्भु महतो र उनकी श्रीमती सुरजकला देवी महतोको ६ लाख ३६ हजार पैशा गौशालाको बीच बजारमै लुटपाट भएको थियो । प्रहरी निरीक्षक मनोज यादवको कमाण्डमा खटेको टोलीले सर्लाहीको हरिपुर्वा नगरपालिका वडा न. ७ को सिमानामा रकम लुटेर फरार भएका रमेशलाई फेला पारि पक्राउ गरेको थियो ।

गौशालामा एउटा सानो सिसिटिभी क्यामेराको सहयोगले यादवले चोरको पत्ता लगाई आफ्नो जिम्मेवारी गम्भीरतापुर्वक वहन गरेका हुनाले उनलाई पुरस्कृत गरिएको हो । यादवले आफु जहाँ गएपनि यसरि नै लगनशीलताको जनताको सुरक्षाको लागि अहोरात्र मेहनत र कडा परिश्रम गर्ने प्रतिवद्धता व्यक्त गरेका छन् ।

यादव गौशाला सरुवा भएर आएको ७ महिना भएको छ ।