गौशालामा पत्रकार राजकरण महतोमाथि भएको दुव्र्यवहारको विरुद्धमा प्रदर्शन

2 वर्ष पहिले प्रकाशित

(2080-10-09 B.S.)

712 पटक देखिएको

ममता शर्मा , महोत्तरी ।

महोत्तरीको गौशालामा पत्रकार राजकरण महतोमाथि दुव्र्यवहारको विरुद्धमा प्रदर्शन भएको छ । मंगलबार गौशाला नगरपालिका वडा न.५ त्रिभुवन मा.वि. को गेट अगाडी सम्पूर्ण स्थानीय पत्रकारहरु मिलेर प्रदर्शन गरेका हुन् । संचारकर्मीहरुले साम्प्रदायिक भाव बिथोल्न खोज्नेलाई कानुनी कारवाही गर , पत्रकार राजकरण महतोलाई न्याय दे ,समावेशी राज्य सरकारको लागु गर ,भुइँमान्छेका लागि बोल्ने पत्रकारको सुरक्षाको ग्यारेन्टी गर लगायत उल्लेख गरिएको प्लेकार्ड बोकेर प्रदर्शन गरेका हुन् ।

बितेको आइतबार तीनकुनेस्थित सडक किनारमा रोकीराखेको बा.२ ख ४५३४ नम्बरको सुन्दरीमाई यातायात (चक्रपथ परिक्रमा) नामको गाडीका कन्डक्टर र चालकले पत्रकार राजकरण महतोमाथि दुव्र्यवहारसंगै कुटपिटका प्रयास गरेका थिए । कन्डक्टर र चालकले उनलाई ‘भैया’ भनेर अभद्र व्यवहार गर्नुका साथै अश्लील गालीगलौज गरेका थिए ।

सोही घटनाको विरुद्धमा स्थानीय संचारकर्मीहरुले प्रदर्शन गर्दै जनताको सेवक पत्रकार माथि दुर्व्यवहार र गाली गलौज गर्नेलाई कारवाहीको माग समेत गरेका छन् ।विरोध कार्यक्रममा पत्रकार सुनिता महतो , निरन्जन कुमार साह , दिनेश महतो लगायत विभिन्न संचारकर्मीहरुको सहभागिता रहेको थियो ।