सम्सीमा बालिकालाई सामुहिक बलात्कार गरेको आरोपमा तीन व्यक्ति पक्राउ

6 महीना पहिले प्रकाशित

(2080-10-26 B.S.)

441 पटक देखिएको

महोत्तरी

महोत्तरीको सम्सी गाउँपालिकामा बितेको मंगलवार राति केहि घरमा ४ जनाको समूहले लुटपाट गरि फरार भएका थिए ।
सम्सी गाउँपालिका वडा न. १ मा राति करिव १ बजे अज्ञात समुहले लुटपाट गर्दै एक बालिकालाइ सामुहिक बलात्कार समेत गरेको गरेका छन् ।
आमा र हजुर आमालाई घरमा थुनेर गरगहना समेत लुटेर ती समुहले लागेको जिल्ला प्रहरी कार्यालय महोत्तरीले जनाएको छ ।
हजुर आमालाई घरमा थुनेर बालिकालाई बासघारीमा लगेर सामुहिक बलात्कार गरेको पिडित पक्षले बताएका छन् ।

बालिकालाइ डराइ धम्काई गरेको कारण बालिका कसैलाई गुहार समेत गर्न नसकेको पिडित पक्षको भनाई छ ।
बालिकाको बासस्थान सोनामा गाउँपालिकामा रहेको र बालिकाको घरपरिवारको आर्थिक अवस्था कमजोर भएकोले आफ्नो मामा घर सम्सीमा बस्दै आएकी थिइन् ।

पिडित बालिकाको बयानको आधारमा जिल्ला प्रहरी कार्यालय महोत्तरीले फरार रहेको व्यक्तिलाई खोज तलास गरि शुक्रबार तीन जनालाई नियन्त्रणमा लिएको र अनुसन्धानभइ रहेको प्रहरी निरीक्षक महेन्द्र खड्काले जानकारी दिए ।

सम्सी गाउँपालिका वडा नं २ बस्ने कासिम मोमिनको छोरा करिव वर्ष २० को उवैद मोमिन , करिव वर्ष २१ को अनवर अंसारी र भारतको विहार राज्य जिल्ला सितामढी ग्राम पंचायत रतनपुर वडा नं. १५ बस्ने करिब वर्ष २१ को जियाउल अंसारीलाई प्रहरीले नियन्त्रणमा लिएको छ ।
अनुसन्धानको लागि ७ दिनको म्याद थप गरिएको जिल्ला प्रहरी कार्यालय महोत्तरीले जनाएको छ ।