गौशालामा चोरी गर्ने उदेश्यले त्रिभुवन मा.वि. मा तोडफोड

11 महीना पहिले प्रकाशित

(2080-11-08 B.S.)

1512 पटक देखिएको

निरन्जन कुमार साह

महोत्तरी , फाल्गुन ८ गते

महोत्तरीको गौशालामा चोरी गर्ने उदेश्यले त्रिभुवन माध्यमिक विद्यालयमा तोडफोड भएको छ । गौशाला नगरपालिका वडा न. ५ स्थित रहेको सो विद्यालयमा सोमबार राति अज्ञात व्यक्तिहरुले तोडफोड गरेको विद्यालयको प्रधानाध्यापक विनोद कुमार महतोले जानकारी दिए ।

प्र.अ. महतोका अनुसार सोमबार राति अज्ञात व्यक्तिहरुले कम्युटर चोरी गर्ने उद्देश्यले प्राविधिक शाखाको झ्यालहरु तोडफोड गरेका छन् । ति व्यक्तिहरुले शाखाको प्यासेजमा आगो बालेर रक्सि र चुरोट समेत खाएको महतोले बताए । उनले भने , “करिव ४ ओटा झ्यालहरु र एक बासको सिढी पनि तोडफोड भएको छ । केहि समयदेखि केहि व्यक्तित्वहरु विद्यालयको कम्पाउण्ड भित्र जबर्जस्ती खेल्ने र उत्पात मच्चाउने जस्ता क्रियाकलाप गर्ने गरेका छन् । सम्झाउदा उल्टै धाकधम्मी दिने समेत गरेका छन ।

प्र. अ. महतोले विद्यालय सबैको सार्वजनिक सम्पत्ति भएकोले यसको संरक्षण सबैको दायित्व रहेको बताउदै विद्यालयभित्र यस्ता किसिममा क्रियाकलाप गर्नेहरुको विरुद्धमा इलाका प्रहरी कार्यालय गौशाला, गौशाला नगरपालिको कार्यालय र वडा कार्यालयमा पत्राचार समेत गरिएको जानकारी दिए ।

विद्यालय व्यवस्थापन समितिका अध्यक्ष रमेश कुमार महतोले विद्यालयको कम्पाउण्डमा कसैलाई प्रवेशको अनुमति नहुँदा पनि साझपखको समयमा स्थानीय युवाहरुले जबर्जस्ती प्रवेश गर्ने गरेको बताए । विद्यालयले त्यसलाई रोक्ने प्रयास गर्दा विद्यालय वरपरका सम्पूर्ण स्थानीय वासिन्दाले विरोध गर्ने गरेको उनको भनाई छ । साथै उनले यसको नियन्त्रणको लागि सर्वदलीय बैठक चाडै नै बस्ने जानकारी समेत दिए ।