गौशालामा पुर्व मन्त्री साहद्वारा ३ विपन्न आवास घरको शिलान्यास

2 वर्ष पहिले प्रकाशित

(2080-11-17 B.S.)

1182 पटक देखिएको

निरन्जन कुमार साह

महोत्तरी , फाल्गुन १७ गते

महोत्तरीको गौशाला नगरपालिका वडा न. १ मा तिन विपन्न घरपरिवारलाइ विपन्न आवास घर निर्माण हुने भएको छ । जसको बिहिबार पुर्व गृह तथा संचार मन्त्री भरत प्रसाद साहले शिलान्यास गरेका छन् ।

मधेश प्रदेश अन्तर्गत महेन्द्र नारायण निधि विपन्न आवास योजनामा गौशाला नगरपालिका वडा न. १ मा तिन घर परिवारलाई प्रदान गरिएकोमा तिन ओटै घरको आज सांसद साहले शिलान्यास गरेका हुन् । गौशाला -१ इटाटारका सम्पतिया देवी सदा ,सोनाबती महरा ,मन्तोरिया पासमानलाई उक्त घर प्रदान गरिने भएको छ ।

घर बन्ने कुरामा खुसि व्यक्त गर्दै सम्पतिया देवी पासवानले गरिव , विपन्नहरुको लागि सरकारले सुविधा प्रदान गर्नुपर्ने र गरिवको सहारा नै सरकार रहेको बताइन् । उनले घर नहुँदा हुरी बतास , वर्षाले निकै समस्या हुने गरेको दुखासो पोख्दै अब घर बनेपछी त्यसबाट राहत हुने बताइन् । वडा अध्यक्ष नविन साहको पहलमा र पुर्व मन्त्री भरत साहको प्रयासले यो सम्भव भएको बताउदै त्यसको लागि धन्यवाद ज्ञापन गरेकी छिन ।

त्यस्तै सोनाबति महराले भनिन् , “मेरो घरपरिवारको धेरै बिजोग थियो । श्रीमान बितिसकेपछि यो संसारमा कोहि छैन जस्तो लाग्थ्यो । तर वडा अध्यक्ष र माननीय आज हाम्रो सहारा हुनुभयो । बल्ल घर बन्ने भएको छ । निकै खुसि महसुस भइरहेको छ।”

मनतोरिया पासमानले पनि घर नहुँदा अनेक दु:ख पिडा भोगेको साथै खुल्ला आकाशमा बस्ने गरेको बताउंदै घर बन्ने भएपछी संसार नै पाए सरह भएको बताए ।

त्यसैगरि सांसद भरत प्रसाद साहले राजनीतिक स्वार्थको लागि होइन जनताको लागि गर्नुपर्ने बताउंदै जनता खुसि छ भयो भने मात्र रराजनीतिक सफल र सहि हुने बताए । आफनै क्षेत्रको जनता दु:ख बुझ्न नसक्नु राजनीतिक केको लागि भन्ने आफैमाथि प्रश्न बन्ने बताए । उनले भने , “करिव सयभन्दा बढी विपन्न परिवारको घर शिलान्यास गरि हस्तान्तरण गरिसकेको छु ।जब कुनै व्यक्तिले मलाइ धन्यवाद र आशिर्वाद दिन्छ त्यतिखेर मेरो राजनीतिक यात्रा सफल भएको अनुभूति हुन्छ । विपन्न परिवारले घर पाउनुपर्छ त्यसमा मेरो प्रयास सधै रहिरहने छ ।”