सोनमा गाउँपालिकामा खोप अभियान सम्बन्धी गोष्ठी सम्पन्न

2 वर्ष पहिले प्रकाशित

(2080-11-17 B.S.)

954 पटक देखिएको

निरन्जन कुमार साह

महोत्तरी , फाल्गुन १७ गते

महोत्तरीको सोनमा गाउँपालिकामा दादुरा रुबेला निवारण खोप अभियान सम्बन्धि एक दिने गोष्ठी सम्पन्न भएको छ । सोनमा गाउँपालिका स्वास्थ्य शाखाको आयोजनामा पालिकाको सभाहलमा उक्त गोष्ठी सम्पन्न भएको हो ।

कार्यक्रममा आलोक नाथ झाले आफ्नो प्रस्तुति दिदै भने ९ महिना देखि १५ वर्ष मुनि सम्मको बालबालिकालाइ दादुरा रुबेला निवारण खोप यहि फागुन २२ गते देखि पालिकाको सबै वडामा संचालन हुने जानकारी गराउनुभयो । उहाँले भन्नुभयो , “दादुरा रोग सरुवा रोग हो । यो रोग छिटो गतिमा एकबाट अर्कोमा सर्ने गर्दछ । पहिलो डोज ९ महिना मा दिनुपर्छ भने दोस्रो डोज १५ महिनामा दिनुपर्छ । त्यस्तै उहाँले २०३४ साल देखि अहिले सम्म नेपालमा १३ एन्टीजेन खोप संचालन भएको र अहिले नेपालमा १६ हजार भन्दा बढी खोप केन्द्र संचालनमा रहेको जानकारी दिनुभयो । २०२६ मा दादुरा रुबेला अन्त्य गर्ने सरकारको नीति रहेको पनि बताउनुभयो । दादुरा खोपमा सरकारले वर्षमा ६९ करोड ५० लाख रुपैया खर्च गर्ने गरेको छ भने त्यस मध्य १८ करोड ५० लाख खेर गएको तथ्यांकमा रहेको बताउनुभयो । साथै नेपालमा अहिले ४% बालबालिका सबै खोपबाट बन्चित रहेको उहाँको भनाई छ ।

सोनमा वडा न. १ का वडा अध्यक्ष अशोष यादवले सरकारको यत्रो ठुलो लगानीमा सरोकारवाला गम्भीर पुर्वक नलिएको गुनासो गर्दै यस अभियानको लागि सबभन्दा बढी शिक्षकहरु सक्रिय भएमा मात्र १००% खोप अभियान सफल हुने जिकिर गर्नुभयो ।

कार्यक्रममा गाउँपालिका उपाध्यक्ष जहिना खातुन ,सबै वडाका वडाध्यक्ष लगायत पालिका कर्मचारीहरुको उपस्थित रहेको थियो ।