गौशालामा दादुरा रुबेला खोप अभियान सम्बन्धि गोष्ठी सम्पन्न

6 महीना पहिले प्रकाशित

(2080-11-18 B.S.)

417 पटक देखिएको

मनिषा कुमारी
महोत्तरी , फाल्गुन १८ गते
महोत्तरीको गौशाला नगरपालिकामा दादुरा रुबेला खोप अभियान सम्बन्धि पालिका स्तरीय खोप समन्वय समितिको अभिमुखीकरण तथा योजना तर्जमा गोष्ठी सम्पन्न भएको छ ।
गौशाला नगरपालिका स्वास्थ्य शाखाको आयोजनामा पालिकाको सभाहलमा उक्त गोष्ठी सम्पन्न भएको हो ।
कार्यक्रममा स्वास्थ्य शाखाका प्रतिनिधि मनोज महतोले आफ्नो प्रस्तुति दिदै ९ महिना देखि १५ वर्ष मुनिको बालबालिकालाइ दादुरा रुबेला निवारण खोप यहि फागुन २२ गते देखि २९ गते सम्म पालिकाको सबै वडामा संचालन हुने जानकारी गराउनुभयो । उहाँले भन्नुभयो , “दादुरा रोग सरुवा रोग हो । यो रोग छिटो गतिमा एकबाट अर्कोमा सर्ने गर्दछ । पहिलो डोज ९ महिना मा दिनुपर्छ भने दोस्रो डोज १५ महिनामा दिनुपर्छ । त्यस्तै उहाँले २०३४ साल देखि अहिले सम्म नेपालमा १३ एन्टीजेन खोप संचालन भएको र अहिले नेपालमा १६ हजार भन्दा बढी खोप केन्द्र संचालनमा रहेको जानकारी दिनुभयो । दादुरा खोपमा सरकारले वर्षमा ६९ करोड ५० लाख रुपैया खर्च गर्ने गरेको छ भने त्यस मध्य १८ करोड ५० लाख खेर गएको तथ्यांकमा रहेको बताउनुभयो ।

कार्यक्रममा गौशाला नगर पलिलाको उप प्रमुख रेणु कुमारी महतो , सबै वडाका वडाध्यक्ष लगायत पालिका कर्मचारीहरु उधोग वाणिज्य संघ गौशालाको अधक्ष्य राजा राम प्रसाद साह लगायत गौशाला प्राथमिक स्वास्थ्य कार्यालयको डा. पुजा यादवको उपस्थित रहेको थियो ।