गौशाला बजारमा उप प्रमुखद्वारा अनुगमन

2 वर्ष पहिले प्रकाशित

(2080-12-05 B.S.)

935 पटक देखिएको

निरन्जन कुमार साह

महोत्तरी , चैत्र ५ गते

महोत्तरीको गौशाला नगरपालिका वडा न. ५ स्थित रहेको गौशाला बजारमा उपप्रमुखले अनुगमन गर्नुभएको छ । सोमबार नगर उप प्रमुख रेणु कुमारी महतो लगायत इलाका प्रशासन कार्यालय र इलाका प्रहरी कार्यालयको टोलीले बजारमा अनुगमन गरेका हुन् ।

बजार अनुगमनको क्रममा गोरु बजार ,पाउरोटी उद्योग , मासु पसल , खाद्यान्न तथा किराना पसल लगायतका ठाउँमा अनुगमन गरिएको छ । गोरु बजारमा मुल्य सूची नभएको , रसिद प्रमाणित नभएको ,दर रेट उल्लेख नभएको र मासु पसलमा मुल्य सूची नभएको , साइन बोर्ड नभएको , सरसफाई अव्यवस्थित रहेको देखिएको छ । साथै किराना पसलमा म्याद गुज्रिएको समानहरु पनि देखिएका पछी व्यवसायीहरुलाई पहिलो पटकको लागि सुधार गर्ने मौका दिइएको छ ।

अनुगमनमा एन्जल ग्याँस ,रेजा चिकेन फ्रेस हाउस ,ज्योति पाउरोटी उद्योग लगायत करिब एक दर्जन किराना पसलमा समेत अनुगमन गरिएको गौशाला नगरपालिकाका प्रवक्ता रामप्रित महतो कोइरीले जानकारी दिनुभयो । उहाँले अव गौशाला बजारलाई व्यवस्थित र सरसफाईयुक्त बनाउनु पर्ने र व्यवसाय गर्नेहरुलाई सुरक्षा सहितको सेवा सुविधा नगरपालिकाले बताउनुभयो ।

त्यस्तै नगर उपप्रमुख रेणु कुमारी महतोले गौशाला बजार महोत्तरी जिल्लाको मुटु रहेकोले माग अनुसारको व्यवस्थित नभएकोले यहाँ व्यवस्थित विकास जरुरि रहेको जिकिर गर्नुभयो ।

गौशाला बजारका व्यापारीहरुले बजारमा नत ढल निकास छ नत सरसफाई नै छ भन्दै गौशाला बजारको कुनै पनि ठाउँ व्यवस्थित नभएको अनुगमन टोलीलाइ गुनासो गरेका छन् ।

गोरु बजारका ठेकेदारले बजारमा खानेपानी र शौचालय व्यवस्था नहुँदा सर्वसाधारणलाई समस्या भएको जिकिर गर्दै खाली अनुगमान गरेर मात्र केहि नहुने भएको बताउंदै सम्बन्धित सरोकारवाला व्यक्तिको ध्यानाकर्षण गराउनुभयो ।