गौशालामा नव जीवन साना किसान कृषि सहकारी संस्थाको साधारण सभा सम्पन्न

1 वर्ष पहिले प्रकाशित

(2080-12-10 B.S.)

875 पटक देखिएको

निरन्जन कुमार साह

महोत्तरी , चैत्र १० गते

महोत्तरीको गौशालामा नव जीवन साना किसान कृषि सहकारी संस्थाको साधारण सभा सम्पन्न भएको छ । जिल्लाको गौशाला नगरपालिका वडा न .६ फुलकाहा स्थित नव जीवन साना किसान कृषि सहकारी संस्थाको दोश्रो साधारण सभा सम्पन्न भएको हो ।

शनिबार सम्पन्न साधारण सभामा नेकपा (माओवादी केन्द्र ) का नेता तथा पुर्व गृह तथा संचार मन्त्री हाल मधेस प्रदेश सभा सदस्य भरत प्रसाद साह प्रमुख अतिथिका रुपमा उपस्थित हुनुभएको थियो ।

कार्यक्रममा संस्थाका अध्यक्ष रामरतन यादवले दिगो विकासका लागि बचत गर्ने बानी बसाल्नुपर्ने बिचार व्यक्त गर्नुभयो । उहाँले भन्नू भयो , " दैनिक बचत गर्ने बानी हामीले बसाल्नुपर्छ । यसले भावी समयमा कठिन परिस्थितिमा हामीलाई सहयोग गर्दछ । यसले परिवारको भविष्य सुनिश्चित गर्न टेवा पुर्याउछ ।"

साथै उहाँले समाजको आर्थिक, सामाजिक र साँस्कृतिक विकासका लागि सहकारी संस्था सदैव क्रियाशील रहने प्रतिबद्धता व्यक्त समेत गर्नुभयो ।

प्रमुख अतिथी भरत प्रसाद साहले होली पर्वको शुभकामना दिदै संस्थाको उत्तरोत्तर प्रगतिको कामना गर्नुभयो । उहाँले अर्थ क्षेत्र सहकारी संस्थाले महत्त्वपूर्ण भुमिका निर्वाह गर्ने भएकोले स्थानीय स्तरमा यस्तो सहकारी संचालन गरि जनसमुदायलाई सेवा प्रदान गरेकोले संचालकलाई धन्यवाद दिनुभयो । उहाँले भन्नुभयो , “यो सहकारी संस्थाको योजना र उद्देश्य दिगो छ । यसमा ढुक्कसंग बचत गरौँ । यसलाई अगाडी बढाउन सम्पूर्ण मिलेर लागौं ।” साथै उहाँले संस्थामा बिगतका समयमा भएका त्रुटी , कमीकमजोरीहरु बिर्सेर सबैले संस्थाको विकासको लागि संयुक्त रुपमा लगनशीलताका साथ कार्य गर्न सम्पूर्ण शेयरधनिहरुलाई आग्रह गर्नुभयो ।

सभामा पुर्व मन्त्री भरत प्रसाद साह , संस्थाका अध्यक्ष रामरतन यादव , अखिल क्रान्तिकारीका केन्द्रिय उपाध्यक्ष सुर्यनारायण साह , गौशाला - ६ का माओवादी केन्द्रका नेता चन्द्रप्रभा यादव लगायत विभिन्न बचतकर्ता , शेयरधनि ,जनसमुदायको उपस्थिति रहेको थियो ।