मन्त्री साहद्वारा गौशालामा संकटमोचन मन्दिरको शिलान्यास

1 वर्ष पहिले प्रकाशित

(2081-01-13 B.S.)

883 पटक देखिएको

निरन्जन कुमार साह
महोत्तरी , बैशाख १३ गते

महोत्तरीको गौशाला नगरपालिका वडा न. ४ स्थित रजखोरमा संकट मोचन मन्दिरको मधेश प्रदेशका मन्त्री भरत प्रसाद साहले शिलान्यास गरेका छन् । जनसमुदायको सहयोगमा बन्न लागेको मन्दिर बिहिवार मन्त्री साहले विधिवत शिलान्यास गरेका हुन् ।

मन्दिर निर्माणमा रजखोरका जनसमुदाय रात दिन सक्रिय भएर बनाउन लागेको हो । मन्दिर निर्माण गर्न सबै समुदायको सहयोग अनिवार्य भएको रजखोर निवासी राजकिशोर साहले बताए । उनले मन्दिर निर्माणमा करिव ६ महिना देखि लागि परेको र यसमा सम्पूर्ण व्यक्तित्वको सहयोग चाहिएको बताए । मन्दिर निर्माण गर्न करिव २५ लाख लागत लाग्ने अनुमान रहेको उनले बताए । यो ठुलो रकम भएकोले प्रदेश सरकारको पनि सहयोग चाहिएको उनको भनाई रहेको थियो ।

शिलान्यासमा मन्त्री साहले धार्मिक र सांस्कृतिक मौलिकता मन्दिर तथा मस्जिदको निर्माणले पुरा गर्ने विचार व्यक्त गरे । उनले भने , " मन्दिर र मस्जिदको निर्माण हाम्रो समाजको आवश्यकता हो । मठ मन्दिर बाट नै धार्मिक मानसिकता निर्माण हुने गर्छ । धार्मिकबाट हाम्रो समाजमा संस्कारको निर्माण पनि हुन्छ । त्यसैले मन्दिरको पनि निमार्ण अहिलेको युगमा जरुरि रहेको छ ।"

मन्त्री साहले मन्दिर निर्माणमा आवश्यक सहयोग रहने प्रतिबद्ध समेत व्यक्त गरे ।
मन्दिरको शिलान्यासमा मन्त्री, साह राजकिशोर साह ,रामदिनेश साह, श्याम लामा ,रिसिकेश साह लगायत रजखोर वासीको उपस्थित रहेको थियो ।