मिटरव्याज पिडितद्वारा गौशालाको इलाका प्रहरी कार्यालय घेराउ

2 वर्ष पहिले प्रकाशित

(2081-01-19 B.S.)

1651 पटक देखिएको

निरन्जन कुमार साह

महोत्तरी , बैशाख १९ गते

महोत्तरीको गौशालामा मिटरव्याज पीडितहरुले प्रदर्शन गर्दै इलाका प्रहरी कार्यालय घेराउ गरेका छन् । बुधबार किसान मजदुर संघर्ष समितिले इलाका प्रहरी कार्यालय गौशालाको प्रहरी निरीक्षक मनोज कुमार यादवको विरुद्धमा प्रदर्शन गर्दै प्रहरी कार्यालय घेराउ समेत गरेका हुन् ।

मिटरव्याज पिडितहरुले औरहीमा नगर संघर्ष समिति गठन गर्न राखेको कार्यक्रमलाई त्यहाँका मिटरव्याजी साहुहरूले बिथोलेको र त्यसमा प्रहरी निरीक्षक मनोज कुमार यादवले पिडितमाथि दमन गरेको भन्दै गौशाला बजारमा मिटरव्याज पिडितहरुले चर्को नाराबाजी सहित प्रदर्शन गरेका छन् । प्रदर्शनकारीहरुले निरीक्षक मनोज यादवलाई तत्काल कारवाही हुनुपर्ने माग गरेका थिए भने गौशाला बजारभरि प्रदर्शन गर्दै गौशाला इलाका प्रहरी कार्यालय अगाडी करिव एक घण्टा घेराउ गरेका थिए ।

मिटरव्याज तथा ठगि गर्नेहरुको बिरुद्ध किसान मजदुर संघर्ष समितिले वर्षोदेखि आन्दोलन गर्दै आइरहेको भएपनि न्याय नपाएको पिडितहरुको गुनासो छ । आज भएको प्रदर्शनमा उनीहरुले ‘ प्रहरी निरीक्षक मनोज कुमार यादवलाई कारवाही गर , मिटरव्याज पिडितलाई न्याय दे , कपाली तमसुक खारेज गर , साहुहरुलाई जेल चलान गर , लगायतका मागसहित नाराबाजी गरेका थिए ।

माग पुरा नहुन्जेलसम्म आन्दोलन जारी राख्ने समितिका धनुषा जिल्लाको अध्यक्ष राजाराम यादवले बताए उनले भने , “गरिवलाई रोडमा आउँन बाध्य साहुहरुले गरेको छ । सरकारले यस्ता साहुहरुलाई जबसम्म कारवाही गर्दैन तबसम्म हाम्रो आन्दोलन रोकिने छैन ।”

त्यस्तै एमाले पार्टीका नेता अजय कुशवाहाले जनताको र पिडितको सुरक्षाको लागि प्रहरी प्रसाशन भएको भएपनि प्रहरी निरीक्षक मनोज कुमार यादवले गौशालामा धाँधली गरि पिडितलाई कुटपिट गरेको भन्दै आक्रोश व्यक्त गरे । कुशवाहाले यादव घुसखोर र भ्रष्ट रहेको भन्दै आरोप समेत लगाए ।