नेपाल पर्यटन तथा होटेल व्यवस्थापन प्रतिष्ठान बर्दिवासमा नि:शुल्क तालिम संचालन हुदैं

5 महीना पहिले प्रकाशित

(2081-01-23 B.S.)

2070 पटक देखिएको

निरन्जन कुमार साह

महोत्तरी , बैशाख २३ गते

महोत्तरीको बर्दिवास स्थित रहेको नेपाल पर्यटन तथा होटेल व्यवस्थापन प्रतिष्ठान शाखा कार्यालयमा विभिन्न प्रकारका तालिमहरु नि:शुल्क रुपमा संचालन भइरहेको छ । आइतवार संचारकर्मीसँग कुरा गर्दै नेपाल पर्यटन तथा होटेल व्यवस्थापन प्रतिष्ठान बर्दिवास कार्यालयका प्रमुख शिवेन्द्र मल्लिकले बताए ।

बर्दिवासमा करिव ३ वर्ष देखि संचालनमा रहेको नेपाल पर्यटन तथा होटेल व्यवस्थापन प्रतिष्ठानले श्रम तथा यातायात मन्त्रालय मधेश प्रदेश सरकारको लागतमा यसै वर्ष देखि ३ महिने तालिम संचालनमा ल्याएको छ । तालिम प्राप्त गरेको व्यक्तिले वैदेशिक रोजगारमा जान चाहने , वैदेशिक रोजगारीबाट फर्केर स्वदेश फर्किएका व्यक्तिहरुलाई उद्यम गर्न लक्षित गरि यो तालिम संचालनमा कार्यालयका प्रमुख शिवेन्द्र मल्लिकले बताए । यस कार्यालयले बिगतको समयदेखि नै कुक , वेटर , बरिस्टा , बेकरी , हाउसकिपिंग , लोकल गाइडको तालिम प्रदान गर्दै आइरहेको छ भने यस वर्षमा पनि वैशाख देखि नै कुक , बरिस्टा तालिम संचालन भइरहेको उनले बताए ।

उनले भने , "हाम्रो देशमा र मधेश प्रदेशमा पर्यटकीय क्षेत्रको सम्भावना धेरै छ ।जसले गर्दा उल्लेखित तालिमहरुबाट व्यक्तिलाई उद्यमी बन्न सहयोग प्रदान गर्दछ भने पर्यटकीय क्षेत्रको विकासको लागि टेवा समेत पुग्छ ।"