सम्सी गाउँपालिकाको १० औं गाउँसभा सम्पन्न

4 महीना पहिले प्रकाशित

(2081-03-11 B.S.)

587 पटक देखिएको

निरन्जन कुमार साह

महोत्तरी , असार ९ गते

महोतरीको सम्सी गाउँपालिकाको १० औं गाउँसभा सम्पन्न भएको छ । आइतबार सम्पन्न गाउँसभामा गाउँपालिकाको आगामी आर्थिक वर्ष २०८१/०८२ को लागि ४८ करोड ६१ लाख ५४ हजार अनुमानित बजेट ल्याएको छ ।

पछिल्लो आर्थिक वर्षमा भएमा कामहरुमा भएका कमीकमजोरी सुधार गरि यसपालिको आथिक वर्षमा कृषिलाई प्राथमिकतामा राख्दै शिक्षा , स्वास्थ्य , खानेपानी , सरसफाई , रोजगारी , युवा तथा खेलकुद लगायतका क्षेत्रमा प्रभावकारी रुपले नीति तथा कार्यक्रम कार्यान्वयन गर्ने गाउँपालिका अध्यक्ष रामनाथ यादवले बताए । पहिलाको कमीकमजोरीहरुलाई सुधार्दै आगामी आर्थिक वर्षको बजेट ल्याइएको उनको भनाई छ । उनले भने , “ पालिकाले बजेटमा ल्याइएको योजनाहरु प्रभावकारी कार्यान्वयनमा जनप्रतिनिधि , वडा अध्यक्षहरु , कर्मचारी लगायत सम्पूर्ण व्यक्तिहरुको सहकार्य अपरिहार्य छ ।"

पालिकाले विभिन्न मठ मन्दिर लगायतको स्थलको सुरक्षा र पर्यटकीय क्षेत्र बनाउने , पालिकाबाट प्रदान गरिने सेवा चुस्त दुरुस्त रुपमा प्रवाह गर्ने , बढी भन्दा बढी वृक्षरोपनमा जोड दिने , किसानलाई समयमै सिचाई मलखादको व्यवस्था गर्ने , शिक्षा सुदृढिकरणको लागि सम्पूर्ण सामुदायिक विद्यालयमा मनग्य शिक्षकको व्यवस्था गर्ने , खानेपानीको आपूर्ति गर्ने लगायतको लक्ष्यसहितको कार्यक्रम बजेटमा अघि सारेको छ ।

कार्यक्रममा सम्सी गाउँपालिकाको गाउँपालिका अध्यक्ष रामनाथ यादव ,मधेश प्रदेश सभा सदस्य मो. रजि हैदर , सम्सी गाउँपालिकाको गाउँपालिका उपा अध्यक्ष अनिता कुमारी यादव ,विभिन्न वडाका वडा अध्यक्ष लगयत जनसमुदय कर्मचारीहरुको उपस्थित रहेको थियो ।