गौशालामा स्थानीयहरुले इलाका प्रशासन कार्यालयलाई बुझाए ज्ञापनपत्र

1 वर्ष पहिले प्रकाशित

(2081-04-29 B.S.)

727 पटक देखिएको

रेडियो जुनतारा समाचारदाता

महोत्तरी , साउन २९ गते

पेपर उद्योग संचालनको लागि ३३ केभी विद्युत प्रसारण नियम बिपरित प्रसारण गरेको भन्दै गौशाला नगरपालिकाका वडा न. १ का सम्पूर्ण स्थानीयहरु मिलेर गौशाला इलाका प्रशासनलाई ज्ञापन पत्र बुझाएका छन् ।

रामनगर स्थित रहेको नेपाल पल्पएण्ड पेपर इन्डस्ट्रिज प्रा.लि. को लागि ३३ केभी विद्युत प्रसारण रोक्नको लागि स्थानीयहरुले केहि दिन देखि आन्दोलन अवरोध गर्दै आइरहेका छन् । ज्ञापन पत्र अनुसार ३३ केभी विद्युत प्रसारण बस्तिबाट प्रसारण गर्दा मानविय क्षती हुने जोखी बढी हुन्छ । नियम विपरित घनाबस्तिबाट लाइन प्रसारण हुँदा मानवीय जोखिम हुने र मीलको लागि प्रसारण हुने लाइन अन्डरग्राउण्ड नभए खोलाको छेउबाट लैजानुपर्ने बिज्ञप्तिमा उल्लेख छ ।

उद्योग संचालक गाउँ बासीसँग कुनै इजाजत अनुमति नलिकन मनोमानी ढंगले जवर्जस्ती ३३ केभी विद्युत प्रसारण गर्न खोज्दा सम्पूर्ण गाउँबासिलाई ध्यानाकर्षण भएको छ ।

यो नियम पुर्वक विद्युत प्रसारण नभएको साथै मानवीय दुर्घटना निम्त्याउने बढी सम्भावना रहेको र यसलाई अविलम्ब रोक्न गौशाला इलाका प्रसासनद्वारा माग सहितको ज्ञापान पत्र गौशाला इलाका प्रशासनका प्रमुख तेज नारायण झालाई बुझाएको हो ।