वडा अध्यक्षले नै लगाए वडा कार्यालयमा ताल्चा , सेवाग्राहीहरुलाई भयो शास्ती

समाज मधेश प्रदेश मुख्य समाचार

2 वर्ष पहिले प्रकाशित

(2081-06-22 B.S.)

499 पटक देखिएको

Radio Juntara

अनिल कुमार यादव

महोत्तरी , असोज २२ गते

महोत्तरीको सोनमा गाउँपालिकाको वडा न. ८ मा बिगत केहि दिन देखि वडा अध्यक्ष सुनिल कुमार महतोले वडा कार्यालयमा ताल्चा लगाएका छन् । वडा अध्यक्षले नै ताल्चा लगाएपछि जनसमुदायीले पाउनु पर्ने सेवा अवरुद्ध भएको छ ।

सोमवार सेवा ग्राहीहरुले सेवा लिन जाँदा वडा कार्यालयमा ताल्चा लागेको हुँदा उनीहरु आक्रोशित भएका थिए । एक सेवाग्राही विनोद साह भन्छन् , "वडा अध्यक्ष सुनिल कुमार महतो र गाउँपालिका अध्यक्ष विशेश्वर प्रसाद यादव सँगको कमिसन बाडफाड नमिले पछी वडा अध्यक्षले वडा कार्यालमा ताल्चा लगाएका हुन् । सचिव सँगको विवाद बहाना मात्र हो ।"

त्यस्तै अर्का एक सेवाग्राहीले यस वडा कार्यालयमा जहिले पनि विवाद मात्र हुने गुनासो गरे । उनि भन्छन् , “हामी सेवा लिन आएका हौँ । यो वडा कार्यालयमा जहिले आएपनि विवाद हुन्छ । कहिले वडा अध्यक्षले सचिवलाई हात पात गरेको त कहिले वडा अध्यक्षले आफ्नो दादा गिरि देखाउने मात्र गरेको पाइन्छ । यो वडा कार्यालयमा पैसा दिदा तुरन्तै काम हुन्छ तर नदिदा अनेक बहाना बाजी हुने गरेको छ । हामी हैरान छौं ।

यस सम्बन्धमा वडा अध्यक्ष सुनिल कुमार महतोले वडा सचिव धनिपथ यादव आफ्नो मनमानी गर्दै काम गर्ने गरेका र सेवा ग्राही सँग मनमानी पैसा समेत लिने गरेका बताए । उनले यसको गुनासो गाँउपालिका अध्यक्षसँग गर्दा पनि कुनै कारवाही नभएपछी आफु ताल्चा लगाउन बाध्य भएको बताए ।