गौशालामा रक्तदान कार्यक्रम सम्पन्न

1 महीना पहिले प्रकाशित

(2081-07-16 B.S.)

232 पटक देखिएको

निरन्जन कुमार साह

महोत्तरी , कार्तिक १६ गते

महोत्तरीको गौशालामा रक्तदान कार्यक्रम सम्पन्न भएको छ । नव जीवन साना किसान कृषि सहकारी संस्थाको तेश्रो वार्षिकोत्सवको अवसरमा रक्तदान कार्यक्रम भएको हो ।

गौशाला नगरपालिका वडा न. ६ स्थित श्री माध्यमिक विद्यालय भेडियाहीको प्रांगणमा भएको रक्तदान कार्यक्रममा ११० जना व्यक्तिले रक्तदान गरेका थिए । जसमध्य ३५ जना महिला थिए ।

कार्यक्रममा मधेश प्रदेशका पुर्व अर्थ मन्त्री भरत प्रसाद साहले आफ्नो रक्तदान गरेर कार्यक्रमको उद्घाटन गरेका थिए । नव जीवन साना किसान कृषि सहकारी संस्थाले प्रत्यक वर्ष यस्ता किसिममा कार्यक्रम गरेर आफ्नो वार्षिकोत्सव मनाउदै आएको छ ।

कार्यकम प्रोग्रेसिभ फाइनान्स लि. , नव जीवन साना किसान कृषि सहकारी संस्थाको संयुक्त आयोजना , ब्लड फर नेपालको सहयोग र मधेश ब्लड ट्रान्सफ्युजन सेन्टर जनकपुरधामको प्राविधिक सहयोगमा संचालन भएको थियो ।

कार्यक्रममा मधेश प्रदेशका पुर्व अर्थ मन्त्री भरत प्रसाद साह, सहकारीको अध्यक्ष रामरतन यादव, गौशाला नगरपालिकाका नगर उपप्रमुख रेणु महतो , प्रोग्रेसिभ फाइनान्स लि. का तिलक रावत ,बर्दिवासको रिड प्रोजेक्टका प्रमुख डा. सुरेन्द्र यादव , अखिल क्रान्तिकारीका केन्द्रिय उपाध्यक्ष तथा युवा नेता सूर्यनारायण साह लगायत विभिन्न जनसमुदायहरुको उपस्थित रहेको थियो ।