पोखरीमा कार डुब्दा रेडियो गौशालाको संचालकसहित दुईको मृत्यु

समाज मधेश प्रदेश मुख्य समाचार

9 महीना पहिले प्रकाशित

(2081-07-20 B.S.)

1401 पटक देखिएको

Mamata Sharma

ममता शर्मा

महोत्तरी , कार्तिक २० गते

सर्लाहीमा पोखरीमा एक कार डुब्दा दुईजनाको मृत्यु भएको छ । कारमा सवार तिन जना मध्य दुइ जनाको मृत्यु भएको हो भने एकजना भने सकुसल छन् । मृत्यु हुनेमा रेडियो गौशालाका संचालक गौशाला नगरपालिका–१० निवासी ३८ वर्षीय सुरेश कुमार महतो र सोनमा गाउँपालिका-८ का ३७ वर्षीय रमाकान्त ठाकुरको मृत्यु भएको हो ।

जिल्ला प्रहरी कार्यालय सर्लाहीको अनुसार जिल्लाको बयलबासबाट महोत्तरीको गौशाला जादै गरेको लु. २ च. ६७५८ नम्बरको कार अचानक अनियन्त्रित भएर ईश्वरपुर नगरपालिका -२ मियाँखोर स्थित रहेको पोखरीमा मंगलबार बिहान डुबेको हो । कारमा सवार महोत्तरीको गौशाला –२ का ३१ वर्षीय जनक यादव पौडिएर बाहिर निस्कन सफल भएको जिल्ला प्रहरी कार्यालय सर्लाहीका प्रहरी नायव उपरीक्षक दिपक श्रेष्ठले जानकरी दिनुभयो ।

स्थानीय जनसमुदायहरुले घटना लगत्तै प्रहरीलाई खबर गरेपछि खोजी तथा उद्धारका लागि पुगेको प्रहरी टोली पुगेको थियो । पोखरीमा बेपत्ता भएका दुई जनालाई फेला पार्न नसकेपछि बर्दिबासस्थित सशस्त्र प्रहरी बल नेपाल नम्बर २ छिन्नमस्ता बाहिनीबाट गोताखोर टोली बोलाएको प्रहरी नायव उपरीक्षक दिपक श्रेष्ठले जानकरी दिनुभयो ।

कार अनियन्त्रित भएर सडक छेउमा रहेको सरस्वती उच्च माध्यमिक विद्यालयको पोखरीमा गएर डुबेको स्थानीयको भनाइ छ । घटनाका विषयमा थप अनुसन्धान भइरहेको प्रहरीले जनाएको छ ।