देशको विकास र पहिचान स्थापित गर्न खेल आवश्यक : नेता साह

1 वर्ष पहिले प्रकाशित

(2081-08-04 B.S.)

758 पटक देखिएको

अनिशा कुमारी यादव

महोत्तरी , मङ्सिर ४ गते

देशमा विकास गर्नको लागि खेल जरुरि रहेको नेता सुर्यनारायण साहले बताएका छन् । देशको पहिचान गराउन पनि खेल र खेलाडीको जरुरि रहेको अनेरास्ववियु (क्रान्तिकारी )केन्द्रिय उपाध्यक्ष तथा कुश्ती संघ नेपालको केन्द्रिय सचीव सुर्य नारायण साहले बताए । गौशाला उधोग वाणिज्य संघले आयोजना गरेको महिला क्रिकेटर पुजा महतोको सम्मान कार्यक्रममा उनले यस्तो भनेका हुन् ।

उनले भने , “ आज गौशाला नगरपालिकाको सम्पूर्ण समाजको सिर उठेको छ । पुजा महतोले गौशाला नगरपालिकालाई विश्वभर पहिचान दिलाउन सफल भएकी हुन् । यो खेलकुद र पुजा महतोको योगदान हो । नेपाली समाजको लागि यो गौरवको कुरा हो ।”

महिला क्रिकेटमा इतिहास रच्न विशेष योगदान पुर्याउन सफल नेपाली टिमकी कप्तान पूजा महतोलाई आज गौशाला उधोग वाणिज्य संघले भव्य स्वागत र सम्मान गरेको छ ।

पूजाको कप्तानीमा रहेको टीमले यूएईलाई हराउँदै आईसीसी यू–१९ महिला टी–२० विश्वकप एसिया छनोटको उपाधि जित्न सफल भएको छ। योसँगै च्याम्पियनको हैसियतमा नेपालले अगामी जनवरी–फेब्रुअरीमा मलेसियामा हुने यू–१९ महिला टी–२० विश्वकप र डिसेम्बरमा मलेसियामै हुने यू–१९ महिला एसिया कप खेल्न अवसर पाउनेछ। यू–१९ महिला टिमले विश्वकपमा स्थान बनाउन सफल कप्तान महतो अहिले निकै चर्चामा छिन ।