विहे भएको दुइ महिना नबित्दै एक महिला गौशालामा मृत अवस्थामा फेला

7 महीना पहिले प्रकाशित

(2081-10-20 B.S.)

2149 पटक देखिएको

महोत्तरी , माघ २० गते ।

महोत्तरीको गौशालामा एक महिला मृत अवस्थामा फेला परेकी छिन् । आइतबार एका बिहानै गौशालाको जिरोमाइलदेखि ३ सय मिटर उत्तरपट्टि रहेको भिक्सबन्नीमा मृत अवस्थामा फेला परेको हो । स्थानीयको अनुसार ति महिलाको विवाह भएको भर्खर दुइ महिना बितेको छ । प्रहरीका अनुसार गौशाला ८ कि २१ वर्षीया खुश्वु यादवको हत्या भएको हो। उहाँको शव गौशालाकै वडा नम्बर ५ स्थित युक्लिप्टिसको सुनसान घारीमा आइतबार अपराह्न फेला परेको थियो। माइती पक्षका अनुसार उहाँको विवाह दुई महिनाअघि भएको थियो।

खुश्वुलाई धारिलो हतियार प्रहार गरेर हत्या गरिएको प्रहरीले अनुमान गरेको छ। जिल्ला प्रहरी कार्यालयका डिएसपी तथा सूचना अधिकारी सन्तुलालप्रसाद जयसवारका अनुसार खुश्वुको दाहिनेतर्फको कानदेखि नाकसम्म काटिएको छ। हतियारले घाँटीको केही भागमा पनि घाउ लागेको उहाँले बताउनुभयो।

मृतक खुश्वुको माइतीघर महोत्तरीकै समसी गाउँपालिका वडा नं १ पर्सादेवाड हो। त्यहाँका वडाध्यक्ष विपिन यादवले खुश्वुका बुवा लक्ष्मण यादवलाई उद्धृत गर्दै जनाए अनुसार उहाँको विवाह गत मङ्सिर ७ गते गौशाला ८ बेलगाछीका चन्देश्वर यादवको छोरो अभिषेक यादवसँग भएको थियो। हत्या दाइजोको कारण भएको माइती पक्षको आरोप छ।

मृतकको शव पोस्टमार्टमका लागि जलेश्वर लगिएको छ। प्रहरीले शङ्कास्पद व्यक्तिलाई निगरानीमा राखे पनि कसैलाई पक्राउ गरेको छैन।