निरन्जन कुमार साह

गौशाला, महोत्तरी – आउँदै गरेको आर्थिक वर्ष २०८२/०८३ को लागि मधेश प्रदेशमा पहिलोपटक अनौठो तर सशक्त अभियानको सुरुवात गरिएको छ। प्रदेशका पूर्व अर्थमन्त्री एवं माओवादी केन्द्रका नेता भरत प्रसाद साहले घर–घरमा पुगेर योजना छनौट गर्ने अभियान  सुरुवात गरेका छन् । यो अभियान अन्तर्गत उनले गौशाला नगरपालिका–४, अशोक गाछी नजिकको गाउँमा जनसमुदायको भेला गरेर विभिन्न योजनाहरू छनौट गरेका हुन्।

साहले बताउनुभयो कि यो अभियानले जनतासँग प्रत्यक्ष संवादमार्फत उनीहरूका आवश्यकता बुझ्ने अवसर दिनेछ र जनचाहनाअनुसारको योजना निर्माणको बाटो खोल्नेछ। उहाँले विगतमा एउटै स्थानमा तीन तहका सरकारहरू राखिँदा समन्वयको अभावले विकासमा बाधा पुगेको स्वीकार गर्दै अब यस्तो अवरोध अन्त्य हुने विश्वास व्यक्त गर्नुभयो।

नेपाली कांग्रेसका नेता राजकुमार मल्लले यस प्रकारको पहल देशमै पहिलोपटक भएको भन्दै पूर्व अर्थमन्त्री साहको कार्य प्रशंसनीय रहेको बताए। महिला समूहकी प्रतिनिधि रामा सुबेदीले विकाससँगै धार्मिक संरचनाको संरक्षण पनि आवश्यक रहेको औंल्याइन्। लोसपाका नेता हरिनारायण साहले विगतमा कुनै नेताले यस्तो कार्य नगरेकाले विकासमा समस्या आएको उल्लेख गर्दै अब चाहिँ परिवर्तन सम्भव भएको महसुस भइरहेको बताए।

यो अभियानले प्रदेशभर घरदैलो योजना छनौटको नयाँ अभ्यास सुरु गरेको छ, जसले “जनताद्वारा, जनताको लागि योजना” भन्ने सोचलाई व्यवहारमा उतार्ने अपेक्षा गरिएको छ।

प्रसाद साह को नेतृत्वमा एक ऐतिहासिक र जनमुखी अभियान प्रारम्भ गरिएको छ। यो अभियान अन्तर्गत गौशाला नगरपालिका वडा नं. ४, अशोक गाछ नजिकको गाउँमा समुदाय भेला गराई योजना छनौट गरिएको हो। अभियानको विशेषता  प्रत्येक घरमा पुगेर जनताको आवाज सुन्नु र उनीहरूको प्राथमिकता अनुसार योजना तयार गर्नु हो।

साहले बताएअनुसार, अघिल्ला वर्षहरूमा योजनाहरू केन्द्रिकृत तरिकाले बनाइँदा धेरै स्थानीय आवश्यकता उपेक्षित हुने गरेका थिए। तर अब, जनताको सुझाव, पीडा र चाहना सुनेर योजना निर्माण गरिँदैछ। उहाँले भन्नुभयो, "एकै ठाउँमा तिन ओटै सरकार राख्दा समन्वयको अभावले विकास अवरुद्ध भएको थियो, अब घर-घर पुग्दा जनताको वास्तविक चाहना अनुसार विकास सम्भव छ।"

कार्यक्रम वडा अध्यक्ष रामनारायण महासेठको सभापतित्वमा सम्पन्न भएको थियो। प्रमुख अतिथि पूर्वमन्त्री भरत प्रसाद साह रहेका यस कार्यक्रममा माओवादी केन्द्रका केन्द्रीय प्रतिनिधि सुर्यनारायण साह, माओवादी पार्टीका प्रदेश सदस्य विजय साह, नेपाली कांग्रेसका राजकुमार मल्ल, लोसपाका हरिनारायण साह, र जनसमुदायका अन्य प्रतिनिधिहरूको उल्लेख्य उपस्थिति रहेको थियो।