महोत्तरी, जेठ १६ गते
यस वर्षको मनसुन प्रणाली बिहीबार रातिदेखि नेपाल प्रवेश गरिसकेको मौसम पूर्वानुमान महाशाखाले जनाएको छ। मनसुन कोशी प्रदेशको अधिकांश भूभागमा सक्रिय भइसकेको र हल्कादेखि मध्यम वर्षा सुरु भएको महाशाखाले शुक्रबार जारी गरेको बुलेटिनमा उल्लेख छ।
जल तथा मौसम विज्ञान विभाग अन्तर्गतको महाशाखाका अनुसार यस वर्ष मनसुनमा सामान्यभन्दा बढी वर्षाको सम्भावना रहेको छ। यसले बाढी, पहिरो लगायतका मनसुनजन्य विपद्को जोखिम बढाउने भएकाले राष्ट्रिय स्तरमै पूर्वतयारी कार्ययोजना निर्माण गरी लागू गरिएको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख दिनेशप्रसाद भट्टका अनुसार मनसुनले यस वर्ष देशभर करिब १९ लाख ९७ हजार नागरिकलाई प्रभावित पार्ने अनुमान गरिएको छ। तीमध्ये ५२ प्रतिशत महिला हुने प्रक्षेपण छ। प्राधिकरणको आँकडाअनुसार ४ लाख ५७ हजार घरधुरी जोखिममा पर्ने छन्।
सबैभन्दा धेरै लुम्बिनी प्रदेश प्रभावित हुने सूचीमा परेको छ, जहाँ ५ लाख २३ हजारभन्दा बढी जनसंख्या असरमा पर्ने देखिएको छ। त्यसपछि क्रमशः बागमती, गण्डकी, कोशी, मधेश, सुदूरपश्चिम र सबैभन्दा कम कर्णाली प्रदेशमा मनसुनजन्य विपद्को प्रभाव पर्ने प्रक्षेपण गरिएको छ।
.jpg)
कमेन्ट गर्नुहोस्
view comments