बिद्यार्थीहरुलाई सिद्धार्थ बैंकले छात्रबृत्ती प्रदान ।

6 वर्ष पहिले प्रकाशित

(2077-03-08 B.S.)

3189 पटक देखिएको

दिपेन्द्र जयसवाल,बारा असार ८

बाराको सिमरास्थित सिमरा कलेजमा अध्ययनरत बिद्यार्थीहरुलाई सिद्धार्थ बैंकले छात्रबृत्ती प्रदान गरेको छ ।आफ्नो सामाजिक उत्तरदायीत्व वहन गर्ने क्रममा बैँकको सिमरा शाखाले आज एक कार्यक्रमका बिच कलेजमा स्नातक पहिलो वर्षमा अध्ययन गर्ने एक छात्र र एक छात्रका लागि एक वर्षसम्म लाग्ने खर्च वापतको उक्त छात्रबृत्ती रकम कलेजलाई हस्तान्तरण गरेको हो ।

छात्रबृत्ती सहयोगपश्चात बोल्दै बैंकका शाखा प्रवन्धक कृष्ण प्रसाद गौतमले कुनैपनि विपन्न र जेहन्दार विद्यार्थी आर्थिक असक्षमताकै कारण शिक्षाबाट वञ्चित हुन नपरोस भन्ने उद्देश्यले आफुहरुले यस किसिमको सहयोग गरेको बताउनु भयो । साथै सिमरा कलेज सञ्चालक समितिका अध्यक्ष मदन बहादुर क्षेत्रीले सहयोगका लागि धन्यवाद दिँदै आगामी दिनमा समेत कलेजलाई यस किसिमको सहयोग प्रप्त हुँदै जानेमा आशाबादी रहेको बताएका छन ।

प्राप्त रकम कलेजले लिएको आन्तरिक छात्रबृत्ती परिक्षाबाट छनोट भएका एक छात्र र एक छात्रालाई प्रदान गरिने कलेज प्रमुख शालिकराम अधिकारीले जानकारी दिनु भयो । कार्यक्रममा बैकको सिमरा शाखाका कर्मचारी, कलेज सञ्चालक समितिका पदाधिकारी लगायत शिक्षक विद्यार्थीहरुको उपस्थिती रहेको थियो ।