नेपाली कम्युनिस्ट पार्टीका युवा उम्मेदवार इन्जिनियर लक्ष्मण यादवको महोत्तरी क्षेत्र नम्बर २ अन्तर्गत मनपट्टीमा आज उत्साहजनक घरदैलो कार्यक्रम

8 महीना पहिले प्रकाशित

(2082-11-11 B.S.)

872 पटक देखिएको

महोत्तरी, फागुन ११ गते ।

रोहित यादव

नेपाली कम्युनिस्ट पार्टीका युवा उम्मेदवार इन्जिनियर लक्ष्मण यादवको घरदैलो अभियानले महोत्तरी क्षेत्र नम्बर २ अन्तर्गत मनपट्टीमा नयाँ उत्साह र ऊर्जा थपेको छ। टोल–टोलमा पुगेर जनतासँग प्रत्यक्ष संवाद गर्दै उहाँले विकास, सुशासन र पारदर्शिताको स्पष्ट एजेन्डा अघि सार्नुभयो।
घरदैलोका क्रममा इन्जिनियर यादवले शिक्षा सुधार, गुणस्तरीय स्वास्थ्य सेवा विस्तार, कृषि आधुनिकीकरण, रोजगारी सिर्जना तथा दिगो पूर्वाधार निर्माणलाई आफ्नो मुख्य प्राथमिकतामा राख्ने प्रतिबद्धता व्यक्त गर्नुभयो। “युवाको शक्ति र जनताको साथले मात्र वास्तविक परिवर्तन सम्भव छ,” उहाँले भन्नुभयो, “अब समय आएको छ । बोल्ने होइन, गरेर देखाउने।”
मनपट्टीका स्थानीयवासीले युवा नेतृत्वप्रति उल्लेखनीय समर्थन जनाउँदै उहाँलाई आशा र भरोसाको प्रतीकका रूपमा स्वागत गरे। विशेषगरी युवाहरू, बुद्धिजीवी तथा अग्रज नागरिकहरूको सक्रिय सहभागिताले कार्यक्रमलाई उत्सवमय बनाएको थियो। कतिपय स्थानमा स्थानीयले फूलमाला र नाराबाजीसहित स्वागत गर्दै परिवर्तनको पक्षमा खुला समर्थन जनाए।
कार्यक्रममा सडक स्तरोन्नति, सिँचाइ सुविधा विस्तार, गुणस्तरीय विद्यालय सञ्चालन र स्वास्थ्य चौकी सुदृढीकरणजस्ता स्थानीय समस्याहरू उठाइएका थिए। इन्जिनियर यादवले ती सबै सुझावलाई प्राथमिकताका साथ समेटेर स्पष्ट कार्ययोजना सार्वजनिक गर्ने प्रतिबद्धता दोहोर्‍याउनुभयो।
महोत्तरी क्षेत्र नम्बर २ मा देखिएको यो उत्साहजनक जनलहरले निर्वाचनमा नयाँ ऊर्जा थपेको स्थानीयवासीहरूको विश्वास छ। जनताको बढ्दो समर्थनले युवा उम्मेदवार इन्जिनियर लक्ष्मण यादवको जित सुनिश्चित हुने संकेत स्पष्ट देखिएको छ।