महोत्तरी–२ मा लक्ष्मण यादवको घरदैलो अभियान तीव्र देखियो जनलहर

8 महीना पहिले प्रकाशित

(2082-11-13 B.S.)

570 पटक देखिएको

रोहित यादव

महोत्तरी,फाल्गुन १३ गते ।

महोत्तरी निर्वाचन क्षेत्र नम्बर २ अन्तर्गत वडा नम्बर ७, गोरहन्नामा नेपाली कम्युनिस्ट पार्टीका उम्मेदवार इन्जिनियर लक्ष्मण यादवले आफ्नो घरदैलो अभियानलाई तीव्रता दिएका छन्।
बिहानैदेखि सुरु भएको अभियानअन्तर्गत यादवले टोल–टोल र घर–घर पुगेर मतदातासँग प्रत्यक्ष भेटघाट तथा संवाद गरेका छन्। उनले स्थानीय विकास, युवाका लागि रोजगारी सिर्जना, शिक्षा र स्वास्थ्य सेवाको सुधार तथा पूर्वाधार निर्माणलाई प्राथमिकतामा राख्दै आफ्ना योजनाहरू सार्वजनिक गरेका छन्।
घरदैलो कार्यक्रमका क्रममा स्थानीय बासिन्दाले उत्साहजनक सहभागिता जनाउँदै सक्षम, शिक्षित र प्रतिबद्ध नेतृत्वको आवश्यकता औंल्याएका छन्। युवादेखि ज्येष्ठ नागरिकसम्मको उल्लेखनीय उपस्थितिले गोरहन्नामा चुनावी माहोल थप तातेको देखिएको छ।
इन्जिनियर पृष्ठभूमिका उम्मेदवार यादवले विकासका योजनालाई व्यवहारमै कार्यान्वयन गर्ने प्रतिबद्धता व्यक्त गर्दै जनताको विश्वासलाई जितमा परिणत गर्ने दृढता व्यक्त गरेका छन्।
महोत्तरी–२ मा लक्ष्मण यादवको सक्रिय घरदैलो अभियानसँगै चुनावी सरगर्मी बढ्दै गएको र क्षेत्रमा जनलहर देखिन थालेको स्थानीयले बताएका छन्।