महोत्तरीमा रहेको टुटेश्वरनाथ महादेव मन्दिरमा यस बर्ष कुनै पनि जल फुल मेला जस्ता गतिबिधि न हुने

6 वर्ष पहिले प्रकाशित

(2077-03-23 B.S.)

3045 पटक देखिएको

असार २४ , महोत्तरी

पूर्व–पश्चिम महेन्द्र राजमार्गभन्दा ७ किमी उत्तरतर्फ बर्दिवास नगरपालिकामा पर्ने पौराणिक एवम् धार्मिक आस्था बोकेको टुटेश्वरनाथ महादेव मन्दिर पर्यटकहरूका लागि आकर्षणको केन्द्र बनेको छ ।
साउन महिनाको प्रत्येक सोमबारका दिन हजारौँ दर्शनार्थीहरू यस मन्दिरमा जल चढाउनका लागि पुग्ने गर्छन् ।
जिल्लाको प्रसिद्ध धार्मिकस्थलको रूपमा परिचित टुटेश्वरनाथ महादेव मन्दिरमा मनोकामना पूरा भएपछि श्रद्धालु काँवर लिएर आउनु, लड्डु चढाउनु, सुन–चाँदी दान गर्नु, भौतिक संरचना बनाइदिनेजस्ता भाकल गर्नेको सङ्ख्या दिनानुदिन बढ्दै गएको छ ।
टुटेश्वरनाथ महादेव जस्ता धार्मिक स्थलले टुटेका मन जोड्ने सामाजिक सद्भावको भावनाको केन्द्रको रूपमा रहेकाले यसलाई पर्यटन केन्द्रको रूपमा समेत विकसित छन्
मरहा नदी र खहरे खोलाको शिखरमा रहेको हिन्दूहरूको पवित्र धार्मिक स्थल टुटेश्वरनाथ मन्दिरमा साउनको प्रत्येक सोमबारबाहेक हरितालिका तीज, एकादशी, शिवरात्रिका दिन मेला भर्नका लागि आसपासका जिल्लालगायत सीमावर्ती भारतीय शहरबाट बर्सेनि हजारौँ श्रद्धालु भक्तजन आउने गर्छन् ।
यस बर्ष संरक्षण समितिका अनुसार कोरोना भाइरस महामारीको रुपमा विश्वभरि फैलिएको कारण भिड भाड गर्न नहुने भएकोले २०७७ साल स्रावन महिनामा मन्दिरमा जल फुल चढाउने दर्शन गर्ने मेला जस्ता कुनै पनि गतिबिधि न हुने संरक्षण समितिले जानकारी दिनुभएका छन् ।