वडाको भुमि फिर्ता ल्याउनका लागि वडावासीले तत्परता देखाए

6 वर्ष पहिले प्रकाशित

(2077-03-24 B.S.)

1647 पटक देखिएको

वडाको भुमि फिर्ता ल्याउनका लागि वडावासीले तत्परता देखाएका छन । गौशाला नगरपालिका ११ का वासीहरु सिमा संघर्ष समिती गठन गरि वडाको जग्गा फिर्ता ल्याउनका निम्ति पूर्वपश्चिम राजमार्ग अन्र्तगत वडाको सिमामा प्रवेशद्धार बनाएका हुन । भविष्यको सुख सुविधा र अधिकार पाउनका लागि नै आफुहरु अगाडि बढेको स्थानिय विन्देश्वर कुमार महतोले बताउनुभयो ।

स्थानियतहको चुनाव हुनुभन्दा अगाडि यहाँका नेताहरुको कारण होस वा लापरवाहीको कारण होस वडा नं. ११ को सिमा १२ नं. वडामा पर्न गएको बताउदै स्थानिय अशोक कुमार महतोको भनाई रहेको छ । अव युवाहरुले तनमनधन लगाएर जस्तो कदम उठाएर भएतापनि हरेकको सहयोगमा वडाको भुमि फिर्ता ल्याउने महतोले प्रतिवद्धता जनाएका छन ।

साविकको समयमा धोकाले होस वा जानीजानी होस जे भएर गल्ती भएपनि सोको सच्चाउनका लागि नगरपालिकादेखि सम्बन्धित निकायसमक्ष पुगि भुमि फिर्ता ल्याउने स्थानिय मुकुन्द महतोको भनाई रहेको छ ।

एकसाता अगाडि मात्र युवाहरु सम्मिलित एक संघर्ष समिती गठन गरि जनजागरण अभियान संचालन गरेको समितीका अध्यक्ष राजकुमार श्रेष्ठले सुनाएका छन । विगतमा यर्थाथ नबुझिकन सिमा काटिएकोले अव जसरी भएपनि फिर्ता ल्याउने अध्यक्ष श्रेष्ठले प्रतिवद्धता जनाउनुभयो ।

साविकको लक्ष्मिनियाँ गाविस वडा नं. ५, २ र ८ तथा भरतपुर गाविस वडा नं. ५ र ७ लाई गाभिएर गौशाला नगरपालिकाको वडा नं. ११ मा रुपान्तरित गरेका थिए ।