बाराको निजगढमा प्रदेश २ कै पहिलो कछाडीया थारु सांस्कृतिक सङग्राहलय निर्माण सुरु

6 वर्ष पहिले प्रकाशित

(2077-03-26 B.S.)

3407 पटक देखिएको

दिपेन्द्र जयसवाल,बारा असार २६

बाराको निजगढमा प्रदेश २ कै पहिलो कछाडीया थारु सांस्कृतिक सङग्राहलय निर्माण गर्न थालिएको छ । लोप हुदै गइरहेको कछाडीया थारु जातिको इतिहास झल्कने गरी बाराको निजगढ नगरपालिका वडा नम्बर ४ को ऐतिहासिक स्थल पुरानो निजगढस्थित कछाडीया वस्तीमा कछाडीया थारु सांस्कृतिक सङग्राहलय निर्माण गर्न थालिएको कछाडीया थारु सांस्कृतिक सङग्राहलय निर्माण समितिका अध्यक्ष महेशी कुमरले बताउनु भयो ।

कछाडिया थारु जातिको संस्कृति, परम्परा र इतिहास झल्कने गरी थारु संग्राहलय निर्माणका हुने अध्यक्ष कुमरले बताएका छन । निजगढको पर्यटन प्रवद्र्धनलागी नगरपालिकाको बिशेष पहलमा संघीय सरकारको २५ लाख लागतमा संग्राहलय निर्माण गर्न लागिएको समितिका अध्यक्ष कुमरले बताएका छन ।

संग्राहलयको निजगढका मेयर सुरेश कुमार खनालले बिहिबार शिलान्याश गरेका छन् । शिलान्यास कार्यक्रममा उपमेयर लिलादेवी लामिछाने खनाल, वडा नं. ४ का अध्यक्ष जयराम कुमर लगायतको उपस्थिति रहेको थियो । कछाडीया थारु जातिको इतिहास बोकेका यस्ता संग्रालयले लोप हुदै गएको कछाडिया थारु जातिको पहिचानलाई जीवन्त राख्न सहयोग पुर्याउने मेयर खनालले बताएका छन । निजगढ नगरपालिका क्षेत्रमा करिब साढे सात हजार भन्दा बढी कछाडिया थारुहरुको जनसंख्या रहेकोछ । कछाडिया थारुहरु निजगढका पुराना बासिन्दा हुन् ।