बाराको कोल्हबी नगरपालिका जंगली बाघद्वारा त्रसित

6 वर्ष पहिले प्रकाशित

(2077-04-09 B.S.)

2983 पटक देखिएको

बारा, साउन १०

बाराको कोल्हबी नगरपालिका वडा नं. ८ मा केहीदिन अघिदेखी जंगली बाघले स्थानियलाई त्रसित बनाईरहेको छ । केहीदिन अघिमात्रै कोल्हबी ८ मा एक गाई र कुकुर मारेको घटना बाहिर आएको थियो । अहिले सोही बाघ गाउँमा पुन देखिएपछी स्थानिय आतंकित बनेका छन् ।

वडा नम्बर ८ का स्थानिय मिलन हमालका अनुसार ८ नम्बर वडाको एक निजि बिद्यालय पछाडी घना बस्तीकै बिचमा घाँस काटने महिलाहरुले बाघ देखेपछी आतंक फैलिएको हो । स्थानियका अनुसार बाघ सहित दुई डमरु बच्चा पनि साथमै रहेको बुझिएको छ । बाघलाई सम्बन्धित निकायले तुरुन्त नियन्त्रणमा नलिने हो भने मानविय क्षती हुन सक्ने भन्दै स्थानियले हारगुहार गरिहरेका छन् ।

यता पर्सा राष्ट्रिय निकुञ्जका प्रमुख संरक्षण अधिकृत अमिर महर्जनले सो क्षेत्र डिभिजन वन कार्यालय बाराको भएको बताएका छन् । उनले डमरु सहितको बाघ भएको भए त्यसलाई नियन्त्रण लिन समेत नसकिने बताएका छन । बच्चा सहितको बाघ नियन्त्रण गर्न हामीसंग मेन पावर छैन त्यसका लागी चितवनबाट नै टोली मगाउनुपर्छ उनले भने बच्चा सहितको बाघ गाउँमा बस्दैन त्यसले उपयुक्त माहोल मिलाएर जंगल नै फर्किन्छ ।

महर्जनले बच्चा बोकेर हिंडने बाघहरु खतरनाक हुने भन्दै स्थानियलाई सतर्क रहन समेत आग्रह गरेका छन् ।यसैबिच डिभिजन वन कार्यालयका प्रमुख मन्जुर आलमले टोली छ्टिटै सो क्षेत्रमा पठाउने बताएका छन् । उनले पनी बाघलाई नियन्त्रणमा लिने क्षमता भने नभएको बताएका छन । त्यसरी देखिएको भए स्थानियलाई सावधानी अपनाउन आग्रह गर्ने हो । उनले भने हामीले निकुञ्जसंग सहकार्य गरेर त्यहाँ पुग्छौ ।