जनकपुरको इमर्जेन्सी र आईसीयू वार्ड सिल

6 वर्ष पहिले प्रकाशित

(2077-04-12 B.S.)

2168 पटक देखिएको

साउन १२ गते

एक कोरोना संक्रमितको मृत्यु भएपछि प्रादेशिक अस्पताल जनकपुरको इमरेन्सी र आइसियु वार्ड सिल गरिएको छ । इमरजेन्सी वार्डलाई २४ घण्टा र आइसियु वार्डलाई ७ दिनको लागि सिल गरिएको प्रादेशिक अस्पताल जनकपुरका निमित प्रमुख तथा आइसोलेशन वार्ड संयोजक डा. जामुन सिंहले जानकारी दिए ।

सोमबार बसेको जिल्ला विपद व्यवस्थापन समिति अन्तर्गत रहेको कोभिड व्यवस्थापन समितिको बैठकले मृतक बिरामी भर्ना गरिएको इमर्जेन्सी युनिट २४ घण्टा र आइसियु वार्ड ७ दिनको लागि सिल गरिएको हो ।

ती संक्रमित मृतक व्यक्तिको शवलाई सोमबार दिउँसो नेपाली सेनाले व्यवस्थापन गर्ने भएको छ । समितिको बैठकले नेपाली सेनालाई शव व्यवस्थापनको जिम्मेबारी दिएको धनुषाका प्रहरी उपरीक्षक रमेश वस्नेतले जानकारी दिए ।

यधपि उनले कहाँ व्यवस्थापन गर्ने विषयमा ठाउँ खुलाउन मानेन् । शव व्यवस्थापनमा स्काइभेटरको प्रयोग गरिने जनाएको छ । शव व्यवस्थापनपछि पीसीआर टेस्ट नभएसम्म नेपाली सेनालाई क्वारेन्टाइनमा बस्नु पर्नेछ ।

गएको शनिबार धनुषाको सहिदनगर नगरपालिका डुमरियामा किराना पसल संचालन गर्ने एक ३८ वर्षीय पुरुषलाई ज्वरो, रुघाखोँकी र श्वासप्रश्वासमा समस्या देखिएपछि प्रादेशिक अस्पताल जनकपुरको अकास्मिक वार्डमा भर्ना गरिएको थियो ।

उनको स्वास्थ्यअवस्था गम्भीर भएपछि आइसियुमा भर्नागरेपनि भेन्टिलेटर अभावमा थप उपचारको लागि आइतबार धरान रेफर गरिएको थियो । तर सिहा पुग्दा बाडटोमै ती संक्रमितको मृत्यु भएपछि उनको शवलाई व्यवस्थापनको लागि जनकपुर ल्याइएको अस्पतालका निमित प्रमुख डा. सिंहले बताए ।
धनुषामा पहिलो संक्रमित व्यक्तिको मृत्युभएपछि त्रास फैलिएको छ ।