आवश्यक सामग्री उपलब्ध नभएको कारण रामनगरको स्वाश्थ्य चौकीमा स्थानीयहरू सेवाहरुबाट बन्चित

6 वर्ष पहिले प्रकाशित

(2077-04-32 B.S.)

3940 पटक देखिएको

साउन ३२ ,रामनगर ,महोत्तरी

आवश्यक सामग्री उपलब्ध नभएको कारण रामनगरको स्वास्थ्य चौकीमा स्थानीयहरू सेवाहरुबाट बन्चित भएका छन् । त्यस स्वास्थ्य केन्द्रको अवस्था एकदमै जर्जर रहेको त्यहाँका चिकित्सकहरुले गुनासो गरेका छन् ।

उक्त स्वास्थ्य केन्द्रमा सक्स्वल मेसिन , एमरजेन्सी अक्सिजन ,पेरी लाइट ,बेबी वयर मेसिन ,बेबी वारमर आदि इत्यादी सामग्रीहरुको उपलब्धि नभएको कारणले गर्दा स्थानीयहरुलाई उचित सेवा सुबिधा प्रदान गर्न नसकेको भनेर त्यहाँको स्वास्थ्य चौकीको अनमी सावित्री स्याङ्ताङ्ले गुनासो गर्नु भएको छ । उहाले ती आवश्यक सामाग्रीहरु नगरपालिकामा पटक पटक माग गर्दा पनि कुनै सुनुवाई नभएको जानकारी दिनु भएको छ ।

र त्यसैगरि उक्त स्वास्थ्य केन्द्रमा सामान्य स्वास्थ्य चेकजाच मात्र सम्भव हुने भएकाले त्यहाँ प्रसुती सेवाको लागि आएका गर्भवती महिलाको अवस्था क्रिटिकल रहेको कारणले गर्दा अन्य स्वास्थ्य केन्द्रमा रेफर गरिएको त्यहाँको स्वास्थ्य प्रमुख कौशल किशोर यादवले जानकारी दिनु भएको छ । त्यसैगरि त्यहाँका स्थानीयहरुले कोरोना रोगको संक्रमण फैलिन सक्ने भनेर उपचार सेवा उपलब्ध नगराएको भनेर समेत गुनासो गरेका छन् ।