बारा, भदौ १९ 

बाराको महागढीमाई नगरपालिका वडा नम्बर -१ बरियारपुरमा रहेको विश्व प्रसिद्ध भगवती श्री गढीमाई मन्दिरमा सुनसान भएको छ । चैत ११ गते देखि लागेको लकडाउन देखि नै मन्दिरमा भक्तजन तथा दर्शनार्थी हरुको संख्या कम भएको मन्दिरका पुजारीहरुले बताएका छन् ।

गढीमाई मन्दिरमा दैनिक पुजा गर्ने सामाग्रीको समेत अभाव भएको बताईएको छ ।मन्दिरमा पुजा गर्ने सामाग्रीको अभाव हुदाँ पनि महागढीमाई नगरपालिका र गढीमाई सञ्चालन तथा विकास समितिले समेत ध्यान नदिएको पुजारी शम्भु प्रसाद चौधरी बताउनुभयो ।

मन्दिरको पुजा प्रतिदिन हुने गरेको र पुजा सामाग्रीको आपुर्ति पुजारीहरुले नै जोहो गर्ने गरेको पुजारी चौधरीको भनाइ रहेको छ ।एेतिहासिक एवम् पुरातात्त्विक गढीमाई मन्दिरमा व्यवस्थापनको कमि भएको स्थानीयबासीको भनाइ रहेको छ । महागढीमाई नगरपालिकाले पनि मन्दिरको रेखदेख नगर्ने गरेको स्थानीय व्यापारीको भनाइ रहेको छ । गढीमाई मन्दिरको प्राङ्गणमा घरेलु पशु तथा बाख्राले गर्दा धेरै फोहोर हुने गरेको सरसफाइको काम गर्दै आएका मंगल प्रसाद मण्डलले बताउनुभयो ।

मन्दिरमा स्थानीय व्यापारी तथा स्थानीयबासीको बाख्रा र घरेलु पशु आउने गरेपनि बोल्दा झगडा समेत गर्ने गरेको सरसफाइकर्मी मण्डलले बताउनुभयो ।गढीमाई मन्दिरमा ताला लगाईएको छ ।बिहान बेलुका पुजाको लागि मात्र मन्दिर खोल्ने गरेको बताईएको छ । गढीमाई मन्दिर वरिपरि फोहोरै फोहरले भरिएको छ ।

हेर्ने कोही समेत नभएको गढीमाई दर्शन गर्न आएकि रिना देवी साहले बताईन ।फोहोरले गर्दा चारैतिर असौन्दर्य बनाएको दर्शनार्थी साहको भनाइ रहेको छ । बारा जिल्लामा निषेधाज्ञा लागु भएपनि केही खुकुलो भएको स्थानीयबासीको भनाइ रहेको छ । महागढीमाई नगरपालिकाले गढीमाइ मन्दिरको पश्चिमपट्टी रहेको पोखरीमा सुर्य मन्दिर निर्माणको काम गराएको भएपनि गढीमाई मन्दिरमा केही गर्न नसकेको बरियारपुरका स्थानीयबासी जितेन्द्र कुशवाहाले बताउनुभयो ।

महागढीमाई नगरपालिकाले अहिले केही काम गर्न नसेको स्थानीयबासी कुशवाहाले बताउनुभयो । महागढीमाई नगरपालिकाले गढीमाई मन्दिरको लागि काम गरेको व्यवस्थापनमा केही कमि भएको नगरपालिकाको कार्यालयले जानकारी दिएका छन् । व्यवस्थापनको काम समितिले गर्नुपर्ने भएकोले यस्तो हुन पुगेको नगरपालिकाको कार्यालयले जानकारी दिएका छन् ।

गढीमाई मन्दिरका संचालन तथा विकास समितिका अध्यक्ष रामचन्द्र साहले आफुलाई यस बिषयमा कसैले जानकारी नदिएका कारण यस्तो लापरबाही हुन गएको बताउनुभयो । अब व्यवस्थापनमा कडाई गरिने अध्यक्ष साहको भनाइ रहेको छ। कोरोना महामारीका कारण धार्मिक क्षेत्रमा पनि प्रभाव परेको सास्कृतिकविदहरुको भनाइ रहेको छ । प्रहरी प्रशासनले कडाई गरेका कारण बरियारपुर बजार र गढीमाई क्षेत्रका आसपासका पसल आशिक रुपमा खुल्ने गरेको स्थानीय व्यापारी रामपुर प्रसाद चौरसिया बताउनुभयो ।