नेपाल लाइफ इन्सुरेन्स कम्पनिले आज जीवन विमा वापतको रकम हस्तान्तरण गरे

6 वर्ष पहिले प्रकाशित

(2077-05-23 B.S.)

3260 पटक देखिएको

भदौ २३ ,गौशाला

नेपाल लाइफ इन्सुरेन्स बिमा कम्पनि लिमिटेड ,उपशाखा गौशालाले आज जीवन बिमा बापतको रकम हस्तान्तरण गरेका छन् ।गौशाला वडा न । ५ मा बस्ने घर घडेरी मात्र भएको मन सरिया देवीको आफन्तजनलाई विमा बापतको रकम उक्त कम्पनीको कर्मचारी शाखा प्रमुख नागेश्वर महतोद्वारा रु १ लाख १२ हजार ८९० रुपैया चेक मार्फत हस्तान्तरण गरिएको छ ।

सो जानकारी उक्त कम्पनीका एजेन्सी म्यानेजर बिरेन्द्र यादवले दिनुभएको छ ।२०७५ साल पुस ९ गते मनसरिया देवीले जीवन साहारा बिमा उक्त कम्पनिमा गराएकी थिइन ।पछी करिब १ वर्ष पछी २०७६ साल असोज २७ गते ब्रेन ह्यामर भएर उनको मृत्यु भयो ।

मृत्यु हुनु भन्दा अगाडी उनी जनकपुरको जानकी मेडिकल हेल्थ केयरमा उपचाररत थिइन तर त्यहाँ उनको उपचार सम्भव नभए पछी उनलाई घर फर्काइएको थियो र त्यसको २ दिन पछी उनको मृत्यु भएको उनकी बुहारी काजल देवीले जानकारी दिनु भएको छ ।

मनसरिया देवीको २ छोरा २ बुहारी रहेका छन् जसमध्ये एक छोरा खाडी गएका छन् भने अर्का छोरा दैनिक रोजगारी गरेर जीवनयापन गरि रहेका छन् ।
जीवन बिमा बापतको रकम कम्पनिबाट लिनको लागि एक वर्ष लागेपनि रु १ लाख रकम सानो स्तरको मानिसलाई ठुलो राशि भएको भनेर मनसरिया देवीको बुहारीहरुले खुसि व्यक्त गरेका छन् ।