श्री प्रसाद सिंह मा.वि.को नवनिर्मित भवनको उद्घाटन कार्यक्रम सम्पन्न

6 वर्ष पहिले प्रकाशित

(2077-06-17 B.S.)

5127 पटक देखिएको

असोज १७ ,औरही महोttरी

आज श्री प्रसाद सिंह मा. वि. औरही नैनी गौरी, औरही नगरपालिका २, महोत्तरीको नवनिर्मित भवनको समुद्घाटन कार्यक्रम सम्पन्न भएको छ ।

शिक्षा विज्ञान तथा प्रविधि मन्त्रि गिरिराजमणि पोखरेलद्वारा उक्त भवनको उद्घाटन सम्पन्न भएको छ । उक्त कार्यक्रममा उक्त विद्यालयको व्यवस्थापन समितिको अध्यक्ष नरेन्द्र यादवले अध्यक्षता गर्नु भएको थियो ।

औरही नगरपालिकाका नगर प्रमुख सुनिल कुमार यादवले कार्यक्रममा वोल्दै उक्त विद्यालयलाइ नमुना विद्यालयको रुपमा परिमार्जन गर्नको लागि प्रमाणपत्र मात्र पाएको तर कार्यान्वयन हुन नसकेको भनेर शिक्षा मन्त्रिलाइ त्यसको लागि अनुरोध गर्नु भएको छ ।

उक्त विद्यालय २००७ साल पछि औरही गाउको उत्तर तर्फ तत्कालिन जिमदारको पोखरीको डिलको सानो छाप्रोबाट संचालन भइ २०१५-०२-१० गतेका दिन श्री प्रसाद सिंहको नामबाट नामकरण भएको थियो ।उक्त विद्यालय २०२७ साल देखि एस .एल.सी.को प्रथम ब्याचमा सहभागिता भएको र २०६४-०३-२१ गते उच्च माध्यमिक तह कक्षा ११ र १२ को संकायमा संचालन भएको थियो ।

विद्यालयमा जम्मा ८४८ (छात्रा ५३ प्रतिशत ) विद्यार्थी रहेका छन् र त्यसले ७ बिगहा १ कठ्ठा १३ धुर जमिन समावेश गरेको छ ।

त्यसैगरि उक्त कार्क्रममा शिक्षा विज्ञान तथा प्रविधि मन्त्रि गिरिराज मणि पोखरेलले आफ्नो कार्यकालमा १००० विद्यालयलाइ नमुना विद्यालयको रुपमा परिमार्जन गर्ने प्रतिबद्धता जनाएका छन ।

उनले उक्त कार्यक्रममा कोरोना महामारीको अवस्थामा भौतिक दुरीको पालना नभएको भनेर कोभिड १९ को नियमलाइ धजिया उडाइएको भनेर कार्यक्रमका अध्यक्ष माथि आलोचना समेत गरेका छन् । उक्त कार्यक्रममा मन्त्रि आएको भनेर उपस्थित हुनेहरुको भिड निकै बढी थियो जबकी कार्यक्रम थोरै तथा सिमित सदस्यहरु समक्ष सम्पन्न गरिने भनिएको थियो ।

उक्त कार्यक्रममा प्रमुख अतिथि शिक्षा मन्त्रि ,नगर प्रमुख सुनिल कुमार यादव ,नरेन्द्र यादव,नेकपा पार्टी बाट राजी हैदर र अन्य स्थानीय हरुको सहभागिता रहेको थियो ।