मंसिर १९ 

आज महोत्तरीको औरही न.पा.२ फुलवरियामा जङ्गहा नदीको पुल शिलान्यास कार्यक्रम सम्पन्न भएको छ ।

भौतिक पूर्वाधार बिकास मन्त्रालय प्रदेश न. २ द्वारा आयोजना गरिएको शिलान्यास समारोहमा प्रमुख अतिथि महोत्तरी क्षेत्र न. २ को संघीय सांसद तथा पुर्व रक्षा मन्त्रि शरत सिंह भण्डारी ,बिशेष अतिथि प्रदेश २ को  भौतिक पूर्वाधार तथा बिकास मन्त्रि जितेन्द्र प्रसाद सोनल लगाएत जसपाको केन्द्रिय सदस्य राजनारायण जस्ता धेरै नेता तथा जनप्रतिनिधिहरु उपस्थित रहेका थिए ।

१६ करोड २३ लाख १९ हजार ९ सय चालिसको आयोजना रहेको उक्त पुल रसुवा /ऐश्वारिया jv(बसुन्धरा ,काठमाडौँ )लाइ १२ करोड ६५ लाख ७ हजार ८ सय सन्ताउन्नमा ठेक्का दिइएको छ । पुल निर्माण २ बर्षमा सम्पन्न हुने बताइएको छ ।

समारोहमा बोल्दै जसपा महोत्तरी जिल्लाका जिल्ला अध्यक्षले भने 'मठमन्दिर पुल निर्माण गरेर मात्र हुदैन ,किसानको सहजताको लागि खाद् मल बीउबिजनको आपूर्तिको गर्नु पनि जरुरि रहेको छ' ।

'प्रदेश न.२ का मा. कौशल यादवले भने पिछडिएको यो गाउमा पुल मात्र होइन,अझै बिकासको कमि रहेको देखिन्छ । स्कुल छ ,तर स्कुलमा शिक्षक नै छैन' ।

उनले युगौदेखि फुलवरियाका बासिन्दाहरुले दुख र कष्ट व्यतित गर्दै आएको र मालिकको आज्ञाको पालना गर्नेजस्ता पुराना परम्परा रहेको कारणले सो गाउमा बिकासको कमि देखिएको बताएका छन् ।

'अब यो गाउको बिकास निश्चित नै रहेको छ, किनभने बरिष्ट नेता मा.शरत सिंह भण्डारीले यो गाउमा पाइला टेकीसक्नु भएको छ' उनले थपे ।

२ न. प्रदेशका मा.मत्रिहरुलाइ केन्द्रिय सरकारले धेरै कम सुख सुबिधा दिएको तर्क उनले गरेका थिए ।

त्यसैगरी यो पुलको साथसाथै करिब १ कि.मी.पश्चिम रहेको झिझा नदीमा पनि पुलको निर्माण नभए यस पुलको औचित्य नहुने भन्दै त्यसको लागि प्रदेश सरकारलाइ महोत्तरी क्षेत्र न. २ को संघीय सांसद तथा पुर्व रक्षा मन्त्रि शरत सिंह भण्डारीले ध्यानाकर्षण गराएका छन् ।

उनले पुल निर्माणको काम गुणस्तरीय भए नभएको रेखदेख जनताले नै गर्नुपर्ने बताएका छन् ।

उनले भने 'यो संघियता जनताको देन हो, त्यसैले बिकास गर्नुपर्छ' । उनले चुनाबको बेलामा ‘अबके सरकार, मधेश सरकार ‘ नाराको सपना साकार भएको अवगत गराएका छन् ।  साथै उनले महोत्तरी जिल्लामा बिघी, रातु, जङ्गहा र मरहा गरि ४ ओटा नदि बिकासको लागि सबैभन्दा ठुलो चुनौती रहेको बताउदै प्रदेश २ को मध्यबिन्दु भएर पुर्व पश्चिम जोड्ने सडक बनाउन प्रदेश सरकारलाई आग्रह गरेका छन् । त्यसैगरि प्रदेश २ को  भौतिक पूर्वाधार तथा बिकास मन्त्रि जितेन्द्र प्रसाद सोनलले पुल भनेको २ किनारलाई जोड्ने पूर्वाधार भएको बताएका छन् ।

गुणस्तरीय पुल बनाउन पुल ठेकेदारलाइ आग्रह गर्दै झिझा नदीको पनि पुल निर्माण गर्ने प्रतिबद्धता जनाउदै 'खेत खेतमा पानी र हरियाली ल्याउछु' भन्दै कार्यक्रम समापन उनले गरेका थिए ।

त्यसैगरी मा.कौशल यादवको भनाइ र २ न. प्रदेशका मा.मन्त्रीहरुको सुविधामा भिन्नता देखिएको नाम नभन्ने शर्तमा एक स्थानीयले बताएका छन् । यादवको भनाइ अनुसार मन्त्रीहरुलाई केहि सुबिधा नभएको तर करोडौको गाडी, करोडौको ल्यापटप प्रयोग गर्ने मा.मन्त्रीहरु यहि प्रदेश न.२मा अवस्थित रहेको उनले बताएका छन् ।

उनले भने 'आज मात्र हैन ,बर्षौ देखि यहि जिल्लामा राजनीति गर्दै आइरहनुभएका भण्डारी,रक्षा मन्त्रि लगाएत पर्यटक मन्त्रिजस्ता ११ पल्ट मन्त्रि बनिसकेका छन् ,तर खै त् बिकास' !

चुनाव नज्दिक आएपछि गाउमा आएर अनेक थरिका लोभ प्रलोभन देखाएर जनतालाई भ्रमित गर्दै जितेर गएपछि फर्केर पनि नआएको र  आज पाइला टेक्दैमा कहिँ बिकास हुन्छ र ?

जो औरही न.पा.वडा न.२ को फुलवरिया गाउ भण्डारीको घर देखि २ कि.मी.को दुरीमा मात्र अवस्थित रहेको छ । तर पनि जनताले दुख भोग्दै आइरहेको गुनासो गरि दुखसो पोखेका छन् । त्यसप्रति त्यहाँका दलित समुदायहरुले आलोचना समेत गरेका छन् ।